Hinga vula swaku hinkwerhu ka hina kungali khali hita kumana ni “xidzedze lexi kulu” lexi Yesu anga ku i “nhlomulu lowu kulu”. (Matewu 24:21) Ahingeswi koti kuwu baleka nhlomulu lowu kambe kuni leswi hingaswi yendlaka akuva hi kota kupona ka wona. Hinga yendla yini?

Ka wukaneli la yena la le nhaveni, Yesu Kreste a vule leswi: ‘Rhangani mitilavela Mfumu wa yena ni kululama ka wona, kutani swoswo hinkwaswu mitayengeteliwa swona.’ (Matewu 6:33) Hinga yendlisa kuyini?

Rhangisa Mfumu wa Xikwembu. Leswo swi vula swaku hi fanele hi teka Mfumu wa Xikwembu na wu li wa lisima hintamu ka wutomi la hina kutlula swilo hinkwaswu. (Matewu 6:25, 32, 33) Hi mhaka muni? Hikusa vanhu avangeswi koti kululamisa swikarhatu leswi hinga na swona. I Mfumu wa Xikwembu ntsena lowungaswi kotaka.

Lava kululama ka Xikwembu. Hi fanele hi landza minawu ya Xikwembu ni matsinya ya minawu ya xona. Hi mhaka muni hi fanele hi yendla leswo? Hikusa loko hi tiyendlela leswi hiswi lavaka hita hakela kuvava. (Swivuriso 16:25) Kuhambana ni leswo, loko hi hanya hi minawu ya Xikwembu ahingataxi tsakisa ntsena kambe hita tlhela hi tsaka. — Esaya 48:17, 18.

Tama u lava Mfumu wa Xikwembu kusungula ni kululama ka xona. Yesu a vule leswaku van’wana avata kanganyisiwa, va pimisa swaku kuva ni male ya yinyingi switava yendla va hlayiseka. Van’wana  va heta nkama wa vona ni ntamu wa vona nava zama kululamisa swikarhatu swa wutomi va gama va sala vanga na nkama wa kulava Mfumu wa Xikwembu. — Matewu 6:19-21, 25-32.

Kambe Yesu a tshembise leswaku lava seketelaka Mfumu wa Xikwembu avangata pfumala nchumu swoswi naswona ka nkama lowu taka vata kuma minkateko ya kukala yinga heli. — Matewu 6:33.

Hambi hi vadjondzisiwa va Yesu va kusungula, lava ava rhangisa Mfumu wa Xikwembu ni kululama ka xona, avaku vonanga kuhela ka kuhlupheka aminkameni ya vona kambe ava hlayisekile. Swi kotekise kuyini?

Swi koteke hi mhaka leswi ava hanya hi minawu ya kululama ya Xikwembu. Minawu leyo, ayiva vhikela ka swikarhatu leswi kumiwaka hi lava va kalaka vangaxi yingisi Xikwembu. Leswi ava kholwa swaku Mfumu wa Xikwembu wuta ta, leswo swiva pfunile kutiyisela swikarhatu swa wutomi. Naswona Xikwembu xiva pfunile kuhlula swikarhatu swa vona hi kuva nyika ‘matimba lamakulu lawa . . . matlulaka hinkwaswu’. — 2 Vakorinto 4:7-9.

Vakreste va kusungula vaxi yingisile xilerhiso xa Yesu xa kurhangisa Mfumu. Va chumayele mahungu ya kutsakisa ya Mfumu wa Xikwembu ka vanhu hinkwavu. (Vakolosa 1:23) Va kona lava yendlaka leswo namuntlha?

Ina, va kona! Timboni ta Yehovha taswi tiva swaku kusale nkama wa wutsongo akuva Mfumu wa Xikwembu wu helisa misava leyi ya kubiha. Hi mhaka leyo ti yendla hinkwaswu leswi tingaswi kotaka akuva ti hetisisa marito ya Yesu lamange: “Kutani Evhangeli leyi ya Mfumu yitachumayeliwa misaveni hinkwayu, tani hi vumboni ka vanhu va matiko hinkwawu; kutani hi kona makumu mangatafika.” — Matewu 24:14.

Uta yendla yini hi mahungu ya kutsakisa? Hi navela leswaku u tekelela vanhu lava ava tshama Bereya, le Makedoniya. Ankama Pawulo angava chumayela mahungu ya kutsakisa ya Mfumu wa Xikwembu ‘vayamukele Rito hi kukhensa lokukulu’. Phela ‘vakambisise Matsalwa masiku hinkwawu’ leswaku va tiyiseka leswaku leswi vangaswi twa ka Pawulo, aku li ntiyiso naswona va ve vapfumeli. — Mintirho 17:11, 12.

Na wena unga fana na vona. Loko u rhangisa Mfumu wa Xikwembu ni kululama ka xona, uta tumbela u tlhela u hlayiseka swoswi naswona uta tlhela u tikhorisa hi kurhula ni kuhlayiseka hi laha kunga heliki ka nkama lowu taka.