Ntlhanganu lowu, wu ta heta nkama muni?

Ntlhanganu lowu, wu heta kolomuyani ka wora lin’we.

Wu ta yendliwa kwini?

Vutisa Timboni ta Yehovha ta lomu u tshamaka kona swaku u tiva ndhawu ya le kusuhi na wena.

Swi lava u hakela male swaku u nghena?

Ihim.

Ku ta hlengisiwa male?

Ihim.

Ni fanele ni yambala mpahla ya ku tshamisa ku yini?

Hambileswi ku kalaka ku nga na nawu wa ku kongoma wa mpahla leyi hi fanele hi yambala yona, Timboni ta Yehovha ti yendla minzamu swaku ti landza nawu wa Bibele wa ku yambala hi ndlela xihlonipho. (1 Timotiya 2:9) A swi lavi swaku u yambala mpahla ya ku dura kumbe leyi nga ka moda.

Ku yendliwa yini?

Ntlhanganu lowu, wu sungula hi lisimu wu tlhela wu gama hi lisimu. Naswona mun’wani wa Timboni ta Yehovha a ta hamba xikhongelo xa ku sungula mun’wani a hamba xa wugamu. A nchumu xa lisima swinene ka ntlhanganu lowu i dixkursu leli li hi khumbukisaka hi lisima la lifu la Yesu. Li tlhela li vulavula hi leswi hi pfunisekisaka xiswona hileswi Yehovha Xikwembu na Yesu Kreste va nga hi yendlela swona.

Loko u lava ku tiva swin’wani hi mhaka leyi, vona nhlokomhaka leyi nge: “Hikwalaho Ka Yini Timbhoni Ta Yehovha Ti Nga Endli Xilalelo Xa Hosi Ku Fana Ni Tikereke Tin’wana?”

Ntlhanganu lowu wu ta yendliwa siku muni ka malembe lawa ma taka?

2025: Sábado diya 12 ka Abril

2026: Quinta-feira, diya 2 ka Abril