Бәхетле тормышка ачкыч
Никахтамы без, юкмы, яшьме, олы яшьтәме, барыбыз да канәгатьлек китерүче, бәхетле тормышка омтыла. Аллаһы да безнең бәхетле булуыбызны тели. Моның өчен ул безгә яхшы киңәшләр бирә.
Тырышып эшләгез
Һәркем, «мохтаҗларга бирерлек берәр нәрсәсе булсын өчен, үз куллары белән тырышып, файдалы эш башкарсын» (ЭФЕСЛЕЛӘРГӘ 4:28).
Аллаһы Тәгалә эшкә уңай караш саклавыбызны тели. Чөнки тырыш кеше, үзен һәм гаиләсен тәэмин итә алганга, канәгатьлек кичерә. Ул, бәлки, хәтта мохтаҗларга да ярдәм итә ала. Начальнигы аны кадерли. Шуңа күрә тырыш кеше эшсез калырмын дип курыкмый. Изге Язмаларда тырыш хезмәтнең җимешләре турында «Аллаһы бүләге» дип әйтелә (Вәгазьче 3:13).
Намуслы булыгыз
«Без вөҗданыбызның саф булуына бер дә шикләнмибез һәм үзебезне һәр яктан намуслы тотарга телибез» (ЕВРЕЙЛӘРГӘ 13:18).
Намуслы кешеләр үз-үзләрен хөрмәт итә, җан тынычлыгына ия һәм яхшы йоклый. Башкалар да андый кешеләрне хөрмәт итә һәм аларга ышана. Намуссыз кешеләр исә андый нәрсәләрдән мәхрүм. Вөҗданнары аларны газапларга мөмкин, һәм алар, бер көн намуссызлыклары ачыкланыр дип, куркып яши.
Акчага дөрес караш саклагыз
«Байлык яратмыйча тормыш итегез, булганына канәгать булып яшәгез» (ЕВРЕЙЛӘРГӘ 13:5).
Акча безгә ризык һәм башка нәрсәләр өчен кирәк. Ләкин «акча ярату» бик куркыныч. Кеше үзенең күп кенә вакытын һәм көчен байлык артыннан кууга сарыф итәргә мөмкин. Моның аркасында аның тормыш иптәше һәм балалары зыян күрергә, ә сәламәтлеге какшарга мөмкин (1 Тимутигә 6:9, 10). Өстәвенә, акча яратучы кеше намуссыз эш итәргә мөмкин. Акыллы патша Сөләйман болай дигән: «Тугры кеше мул фатихалар урыр, ә баерга ашыгучы гаепсез калмас» (Гыйбрәтле сүзләр 28:20).
Иң яхшы белем алыгыз
«Зирәклек һәм аңны сакла» (ГЫЙБРӘТЛЕ СҮЗЛӘР 3:21).
Дөньяви белем безгә җаваплы кешеләр, яхшы ата-аналар булырга булыша. Әмма андый белем чын бәхет һәм иминлек бирә алмый. Тормышның бар өлкәләрендә уңышлы булыр өчен, без Аллаһы биргән белемгә мохтаҗ. Изге Язмаларда Аллаһыны тыңлап яшәгән кеше турында: «Ни генә эшләсә дә, ул уңышка ирешер»,— дип әйтелгән (Зәбур 1:1—3).
Сезгә бу да ошардыр
«КҮЗӘТҮ МАНАРАСЫ»
Эшне яратыр өчен нәрсә эшләргә?
Эштән шатлык һәм канәгатьлек табарга булышучы Изге Язмалардагы кайбер киңәшләргә игътибар итегез.
«УЯНЫГЫЗ!»
Эшләрегез бик күп түгелме?
Күпләр эштә дә, гаиләдә дә барысын эшләп өлгерү кыен дип әйтә. Моның сәбәбе нәрсәдә? Хәл яхшырсын өчен нәрсә эшләргә?
«УЯНЫГЫЗ!»
Бәхет юлы. Канәгатьлек һәм юмартлык
Күпләр бәхетне мал-мөлкәт я байлык җыюга тиңли. Ләкин акча һәм мал-мөлкәт чыннан да бәхет китерәме? Тәҗрибә нәрсә күрсәтә?
ИЗГЕ ЯЗМАЛАРНЫҢ ТӨП ТӘГЪЛИМАТЛАРЫ
Яшәүнең мәгънәсе нәрсәдә?
Бәхетле, канәгатьлек китерә торган тормышның ачкычын табыгыз.
БЕЗНЕҢ ТУРЫНДА
Йәһвә Шаһитләренең килүен сорагыз
Сорауларыгызга Изге Язмалардан җавап белегез яисә Йәһвә Шаһитләре турында күбрәк белегез.
