Самьюэл, Тереса һәм Магдалина сүзләреннән күренгәнчә, кешеләр күп төрле сәбәпләр аркасында дога кыла. Кемнеңдер үтенечләре җитди, башкалар исә үзләренә кирәк булганны гына сорый. Кайбер кешеләр эчкерсез дога кыла, икенчеләре — юк. Кеше экзаменнар уңышлы бирер өченме, яраткан спорт командасы җиңсен өченме, гаилә тормышында Аллаһы җитәкчелек бирсен дипме яки башка берәр сәбәп аркасында дога кыламы, мондый фактны танырга кирәк: йөзләгән миллион кеше дога кылырга кирәклеген аңлый. Бер тикшерүдән күренгәнчә, хәтта дини булмаган кайбер кешеләр регуляр рәвештә дога кыла.

Ә сез дога кыласызмы? Әйе дип җавап кайтарсагыз, Аллаһыдан нәрсә сорыйсыз? Дога кылу гадәтегез бармы, юкмы, бәлки, сез мондый сорау бирәсездер: «Дога кылу берәр файда китерәме? Берәрсе догаларны тыңлыймы?» Бер язучының карашы буенча, дога — «аквариум балыгы белән сөйләшүгә охшаш терапия гына». Кайбер табиблар охшаш фикердә тора: алар доганы «дәвалануның альтернатив ысулы» дип атый. Дога кылу чыннан да мәгънәсезме? Бу кешеләр өчен тик терапия гына булып каламы?

Изге Язмалар буенча, дога кылу — терапиядән әһәмиятлерәк нәрсә. Шул китапта язылганча, без дөрес итеп дога кылсак, безне бер шәхес ишетәчәк. Бу чыннан да шулаймы? Әйдәгез, дәлилләр карап чыгыйк.