Okwijuka Okufa kwa Yesu
Kyamukaaga, Apuli 12, 2025
Omurundi gumu omu mwaka, Abakaiso ba Yahwe baijuka okufa kwa Yesu nk’oku yaragiire obu yagambire ati: “Mukolege muti okuijuka nyowe.”—Luka 22:19.
Nitukuraaliza kuba ha mukoro gunu.
Ebikaguzo Ebikira Kukaguzibwa
Omukoro gunu nigwija kumara bwire ki?
Nigwija kumara nk’esaaha emu.
Nigwija kuba nkaha?
Hikirra Abakaiso ba Yahwe bakugambire nambere guraaba.
Nikyetaagisa kusasura kutaahamu?
Nangwa.
Haliyo kusorooza ebisembo?
Nangwa.
Nsemeriire kujwara nta?
N’obu kiraaba ngu tiharoho mulingo gwona ogutairweho ogw’osemeriire kujwaramu, Abakaiso ba Yahwe balengaho kuhondera obuhabuzi bwa Baibuli obw’okujwara omu mulingo omurungi kandi ogurukuhaisa ekitiinisa. (1 Timoseo 2:9) Engoye zaawe tizirukwetaagisa kuba za sente nyingi rundi eziri ha mulembe.
Biki ebirukwija kuba ha mukoro ogw’Okwijuka Okufa kwa Yesu?
Orusorrokano rutandika kandi rumalirra n’ekizina hamu n’esaara ey’eyebemberwa omu h’Abakaiso ba Yahwe. Orubazo orurukusigikirra ha Baibuli nirwija kubazaaho omugaso gw’okufa kwa Yesu n’omulingo tusobora kugasirwa omu kintu Ruhanga na Yesu baatukoliire.
Kumanya ebirukukiraho, rora ekicweka “Habwaki Abakaiso ba Yahwe Bakwata Omukoro ogw’Ekiihuro kya Mukama Waitu omu Mulingo Ogurukwahukana ha Madiini Agandi?”
Okwijuka Okufa kwa Yesu omu myaka ey’erukuhonderaho nikwija kubaho di?
2025: Kyamukaaga, Apuli 12
2026: Kyakana, Apuli 2
Nosobora Kugonza na Binu;
EKIIJUKYO
Ijuka Okufa kwa Yesu
Nikuturaaliza oije obeho ha mukoro gunu omukuru muno. Noija kumanya omulingo obwomeezi n’okufa kwa Yesu bisobora kukugasira.
ENYEGESA ZA BAIBULI ENKURU
Habwaki Yesu Yafiire?
Baibuli n’ebazaaho obukuru bw’okufa kwa Yesu. Okufa kwe kukaba n’ekigenderwa?