Janwali 27, 2023, abantu baingi nibaija kwijuka ekiro ekya International Holocaust Remembrance Day. Ebikorwa ebibi kandi eby’obukaali ebyabaireho emyaka 75 enyuma nibisobora kukuletera kwekaguza habwaki Ruhanga yaikiriize Ekiita Bantu kubaho.

•   Kusobora kumanya Baibuli eky’egamba, soma ekicweka “Habwaki Ruhanga Yaikiriize Obukaikuru bw’Abayudaaya Kwitwa? Habwaki Ruhanga Atarakitangire?”

 Abayudaaya bakabonabona muno habw’Ekiita Bantu. Obukaikuru n’obukaikuru bw’abantu bakaitwa bataahi baabo bakigenderiire kandi omu mulingo oguteekaniziibwe. Abantu aba guruupu ezindi nabo bakabonabonesebwa kandi baitwa omu kasumi ak’Ekiita Bantu. Bamu hali bo bakaba Bakaiso ba Yahwe abaahakaniziibwe habw’enyikiriza zaabo ezirukusigikirra ha Baibuli.

•   Kumanya ebirukukiraho, soma ekicweka “Kiki Ekyahikire Hali Abakaiso ba Yahwe Omu Kasumi k’Ekiita Bantu?”

 Abantu baingi nibatiina ngu Ekiita Bantu nk’eki nikisobora kwongera kikabaho. Ekirukusemeza kiri ngu, Baibuli n’eraganiza akasumi ak’omu maiso nambere ebintu ebinyakukanga nk’ebi biriba bitakyaroho.

•   “‘Baitu mmanyire ebitekerezo ebindukutekereza namberemuli, agambire [Yahwe], bitekerezo ebyobusinge, kunu tibiri byakabi, okubaha okunihira ha mpero yanyu eyahanyuma.”—Yeremiya 29:11. a

 Okunihira kunu nikwija kuhikirra Yahwe Ruhanga obwaramaraho obubi bwona kandi akamaraho n’ebizibu byona ebireserweho obubi obu. Omu kasumi akatali ka hara naija:

•   Kwihaho abo boona abahikyaho abandi akabi.—Enfumo 2:22.

•   Kumaraho okubonabona kwona omu bantu.—Okusuku’rwa 21:4.

•   Kuhumbuura abo boona abaafiire.—Yohana 5:28, 29.

 N’osobora kwesiga okunihira okurukuhuumuza Baibuli okweha. Kusobora kumanya ensonga habwaki, nitukusaba olengeho enteekaniza yaitu ey’okwegesebwa Baibuli otasaswire.