Yahwe naija kwihaho ebintu ebibi byona Sitaani ebyakozere omu nsi. Yahwe afoire Yesu kuba Omukama ow’ensi yoona. Hansi y’obulemi bwe, ensi niija kufooka orugonjo orurungi.—Danieri 7:13, 14; Luka 23:43.

Yahwe naraganiza ebintu binu:

• EBYOKULYA BINGI: “Itaka lyanire ebyana byalyo: Ruhanga, nuwe Ruhanga waitu, alituha omugisa.” “Halibaho omweru gwobura omu nsi, ha mutwe gwensozi.”—Zabuli 67:6; 72:16.

• TIHALIGARUKA KUBAHO OBURWAIRE: “Muije,murole emirimo ya Mukama, okuhwerekereza okuyalesere hansi. Amaraho obulemu okuhika ha mpero zensi.”—Zabuli 46:8, 9.

• ABANTU ABABI BALIBA BATAKYAROHO: “Abanyakukora obubi balihwerekerezebwa . . . Baitu hasigaireho akacu kake omubi alihera: Ego, olitekereza muno ekiikarokye, baitu talibaho.”—Zabuli 37:9, 10.

•  TIHALIBAHO OKURWARA, OKURRA, RUNDI OKUFA: “Nubwo amaiso gabafu bamaiso galiiguka, namatu gabafu bamatu galiigurwa. Nubwo omuntu omulema aliguruka nkensa, norulimi rwakifa munwa rulizina.”—Isaya 35:5, 6.

  “Ruhanga wenka araikaraga nabo Ruhanga wabo: kandi alisusura amaizi gona ha maiso gabu; kandi tihakiroho okufa; nobukwakuba okutera empamo, nobukwakuba okurra, nobukwakuba okusasa tibikiroho: ebyokubanza bihoireho.”—Okusuku’rwa 21:3, 4.

Okutasisanaho Sitaani na badaimoni be, Yahwe tasobora kubaza ebisuba. Buli kimu ekyaraganiza kiine kuhikirra. (Luka 1:36, 37) Yahwe n’akugonza kandi n’agonza oikale omu rugonjo orw’arukugenda kuleetaho. Nahabweki, hikirra Abakaiso ba Yahwe nukwo osobole kwega ebintu ebirungi muno ebirukusangwa omu Kigambo kya Ruhanga. Kakuba oteeka omu nkora amananu ag’orukwega omu bwomeezi bwawe, noija kulekerwa kuruga omu bisuba, emigenzo, hamu n’obutamanya. Omu kasumi akatali ka hara, noija n’okulekerwa kuruga omu kibi n’okufa. Yesu akagamba ati: “Kandi mulimanya amananu, namananu galibafora bobugabe.”—Yohana 8:32.