EKICWEKA 1
Okuhanga Okuhika ha Kusandaara kw’Amaizi
Iguru n’ensi bikaruga nkaha? Izooba, omwezi, n’enyunyuzi hamu n’ebintu eby’omu nsi bikabaho bita? Baibuli egarukamu kurungi obwegamba ngu bikahangwa Ruhanga. Nahabwekyo ekitabu kyaitu nikitandika n’enganikyo eza Baibuli ezirukukwata ha kuhangwa.
Nitwega ngu ebihangirwe Ruhanga ebi yabandiize kuhanga bikaba biri ebihangirwe eby’omwoyo ebirukumusisana. Bakaba bamaraika. Baitu ensi akagihangira itwe abantu. Nukwo Ruhanga akahanga omusaija n’omukazi, abayarukire Adamu na Hawa, kandi akabata omu rugonjo orurungi muno. Baitu batorobere Ruhanga nukwo baaferirwe ekisembo ky’okuba abomezi ebiro byona.
Kutwarra hamu, kuruga hakuhangwa kwa Adamu kuhika ha kusandaara kw’amaizi, hakarabaho emyaka 1,656. Mubwire bunu, hakabaho abantu ababi baingi muno. Omu iguru hakaba haliyo ebihangirwe eby’omwoyo ebitarukurorwa, Sitani n’abamaraika be ababi. Omu nsi hakaba haroho Kaini n’abantu abandi ababi otairemu n’abo abaabaire b’amaani muno. Kyonka hakaba haroho n’abantu abarungi omunsi—Aberi, Enoka hamu na Nuha. Mukicweka KY’OKUBANZA nitwija kusoma h’abantu banu boona hamu n’ebyabaireho.
OMU KICWEKA KINU
ORUGANIKYO 1
RUHANGA YATANDIKA KUKORA EBINTU
Oruganikyo orw’okuhanga rwanguhire kwetegereza kandi nirusemeza—abaana.
ORUGANIKYO 2
Orugonjo Orurungi Muno
Kusigikirra ha kitabu eky’okubanza, Ruhanga akakora Adeni okuba kiikaro eky’embaganiza muno. Ruhanga nagonza ensi yoona kusisana nk’orugonjo orwakaba akozere.
ORUGANIKYO 3
Omusaija n’Omukazi Abaabandize
Ruhanga akahanga Adamu na Hawa yabata kwikara omu rugonjo Adeni. Nubo ababandize kutaaha obuswere.
EKICWEKA 4
Habwaki Baaferirwe Amaka Gabu
Ekitabu eky’Okubanza omu Baibuli nikitugambira omulingo orugonjo rwahwaireho.
ORUGANIKYO 5
Obwomeezi obw’Emihito Butandika
Adamu na Hawa bakatunga ebizibu bingi aheru y’orugonjo Adeni. Kakuba baali batajemiire Ruhanga, obwomeezi bwabo bwakubaire burungi hamu n’obw’abaana baabo.
ORUGANIKYO 6
Omwana Omurungi, n’Omubi
Oruganikyo orwa Kaini na Aberi, ruhandiikirwe omu Kubanza, nirutwegesa kiki ekitusemeriire kuba omu mitima yaitu—n’engeso ezitusemeriire kuhindura tutakagwire omu kabi.
ORUGANIKYO 7
Omusaija Emanzi
Obumanzi bwa Enoka nibwoleka ngu n’osobora kukora ebintu ebihikire n’obukiraaba ngu abantu abakwehinguliriize nibakora ebintu ebibi.
ORUGANIKYO 8
Agantu ag’Amaani Muno omu Nsi
Ekitabu ky’Okubanza kitugambira ha gasaija agabonabonesaaga abantu. Agasaija ganu, agarukwetwa Nefirimu, gakaba gali gaana g’abamaraika kandi gaikaraga omu n’abantu omu nsi.
ORUGANIKYO 9
Nuha Yayombeka Eryato
Nuha n’ab’eka ye bakizireho okusandaara kw’amaizi habwokuba bakoorobera Yahwe, abandi n’obubaraaba bamujeemiire.
ORUGANIKYO 10
Okusandaara okw’Amaani
Abantu bakasekereza obuhabuzi bwa Nuha. Baitu bakaba batarukuseka okusandaara kw’amaizi obukwaizire kuruga omu iguru! Manya omulingo eryato lya Nuha lya mujunire, ab’eka ye, hamu n’ebisoro biingi.
