Abagenyi abarukuhika omu bukaikuru 12 n’okukiraho nubo abarukunihirwa kuba naitwe ha mukoro gw’Ekiijukyo ogurabaho Maaci 23. Nibaija kutunga omugisa gw’okwetegereza habwaki Yahwe yahaireyo ekicunguro n’emigisa abantu eyi barukwija kutunga omu busumi obw’omu maiso. (Is 11:6-9; 35:5, 6; 65: 21-23; Yoh 3:16) Arukuheereza orubazo tali nuwe wenka arukwija kuheereza obukaiso ha mukoro gunu. Naitwe nitusobora kuba n’omugisa ogu kakuba tutangirra abagenyi. (Bar 15:7) Binu nibyo ebitusobora kukora.

• Obworahika, otaikarra bwikarra baitu tangirra abahyaka hamu n’ab’oruganda ababaire batakyaija omu nso’rokano

• Osemeriire kufaaho buli muntu weena ow’orarora ali muhyaka. N’osobora kwikarra nauwe kandi okakozesa ekitabu kyawe eky’ebizina nauwe

• Omukoro obuguraahwa, mukaguze obwaraaba aine ekintu kyona ekyateetegeriize. Obwaraaba ataine obwire oburukumara n’osobora kukora nauwe entegeka ey’okumubungira omu bwangu. Obworaaba otarukumanya ebirukumukwataho, n’osobora kumukaguza: “Nakugondeze kumanya omulingo orozeremu oruso’rokano runu. Ninkaha nambere nsobora kukusanga nukwo tubazeeho ebirukukiraho?”