Burocuwa Nibaha Abarukukora Yahwe eby’Agonza omu Kasumi Kanu?, ekakorwa kukozesebwa omutakatandikire kwega rundi hanyuma y’okwega Baibuli. * Amasomo kutandikira ha 1-4 nigakonyera abeegi kumanya tuli bantu ba mulingo ki, amasomo kuruga ha 5-14 gakonyera abeegi kumanya ebirukukwata ha buheereza bwaitu, kandi amasomo 15-28 nigooleka ebintu ekitebe kyaitu kikora. Kirungi muno kutandikira ha kubanza kwa burocuwa enu rundi buli, obuharaaba haroho isomo erimukwetaaga kubazaaho omu bwangu. Buli isomo liri ha rupapura rumu kandi n’osobora kukozesa edakiika 5 rundi 10 kwegesa omwegi waawe.

• Bazaaho ensonga ei murukugenda kwegaho

• Musome hamu isomo. Nimusobora kusoma isomo lyona rundi kulisoma omu bicweka

• Mubazeeho ekicweka eki musomere. Hanyuma, mukaguze ebikaguzo ebiri hansi y’orupapura kandi mubazeeho n’ebisisani. Musome kandi mubazeeho ebyahandiikirwe ebiri omu kacweka obu kiraaba kisemeriire. Mwoleke omulingo emitwe endi entaito enyakuli omu bigambo ebikwasire nk’oku egarukamu ekikaguzo ekiri ha mutwe gw’isomo

• Obuharaaba haroho akasanduuko “Manya Ebirukukiraho,” mukasome kandi gambira omwegi wawe kukorra ha magezi agahairwe