Yeremiya akaheebwa omulimo gw’okumanyisa Abayudaya nk’oku baali nibagenda kweherekera habwokuba bakaba beberwe Yahwe. (Yer 13:25) Kiki ekyaletiire Abayudaya kugarukirra omu by’omwoyo? Amaka gali kintu kikuru muno omu nyikara y’abantu ey’ekicweka. Baitu amaka g’Abaisareri gakaba gagarukiriire omu by’omwoyo. Banyineeka baali batakyahondera oburagirizi bwa Yahwe oburukusangwa omu kitabu Ekyebiragiro 6:5-7.

Amaka agagumire omu by’omwoyo nugo gombeka ebitebe ebigumire omu kasumi kanu. Nahabweki, banyineeka nibasobora kukonyera ab’omu maka gaabo kuheereza Yahwe kakuba baba n’okuramya okw’eka okurukugasa kandi batarukwosa. (Zab 22:27) Hanyuma y’okurora vidiyo “Nebigambo binu . . . Birabaga ha Mutima Gwawe”—Ab’Omu Maka Nibasoborra mugarukemu ebikaguzo binu:

• Biki ebikonyire amaka agamu kutoosa okuramya kwabu okw’eka?

• Migisa ki eruga omu kuramya okw’eka okwa butoosa?

• Bizibu ki ebi nyine omu kuramya kwange okw’eka, kandi nyetekaniize nta kubimaraho?