Obworaaba oli mutebezi omuto ow’atakabatiziibwe rundi oli mwegi wa Baibuli, oine ekigendererwa eky’okubatizibwa? Habwaki osemeriire kugonza kubatizibwa? Kwehayo n’okubatizibwa birugwamu enkoragana ey’embaganiza na Yahwe. (Zab 91:1) Nibituhikya na ha kujunwa. (1Pet 3:21) N’osobora ota kukurakurana okahika h’amadaara ganu?

Kigumye wenka ngu ebyorukwega nugo mananu. Obw’oratunga ebikaguzo, kora okuseruliiriza. (Bar 12:2) Obw’orakora empindahinduka, kigumye ngu ekigendererwa kyawe kiri ky’okusemeza Yahwe. (Nfu 27:11; Bef 4:23, 24) Ikara n’omusaba akukonyere. Kigumye ngu Yahwe naija kukuha amaani kandi akusagike n’omwoyo gwe ogurukwera kandi ogw’amaani. (1Pet 5:10, 11) Amaani ag’oratekamu tigarukwija kufa busa. Kuheereza Yahwe nikyo kirukukiirrayo kimu omu bwomeezi!​—Zab 16:11.

MUROLE VIDIYO OMUHANDA OGURAKUHIKYA HA KUBATIZIBWA, HANYUMA MUGARUKEMU EBIKAGUZO BINU:

• Bizibuki abamu ebibarabiremu kusobora kubatizibwa?

• N’osobora ota kuba n’okwikiriza okurukwetagisa kurora wayehayo hali Yahwe?

• Kiki ekyekambisize abamu kutera orutambu orw’okuhika ha kubatizibwa?

• Abo abacwamu kuheereza Yahwe batunga migisa ki?

• Nikimanyisa kwehayo n’okubatizibwa nibi manyisa ki?