Ebyafaayo nibyoleka ngu abaheereza ba Ruhanga bakozere ebintu ebirukuhuniiriza. Tikiri ngu babikora habw’obusobozi bwabo baitu habw’obukonyezi bwa Yahwe. Omu 1954 ekitebe kya Yahwe kikaturukya filimu enyakwine omutwe The New World Society in Action. Ekaturukibwa Ababeseeri abakaba baitaine bukugu omu kuturukya filimu. Omulimo gunu ogugumire gukasoboka habw’omwoyo gwa Yahwe gwonka. Kinu nikitugumya ngu kakuba twesiga Yahwe, nitusobora kuba basinguzi omu kuhikiiriza obujunanizibwa bwona obututunga.​—Zek 4:6.

MUROLE VIDIYO KUTURUKYA VIDIYO ERUKWETWA “THE NEW WORLD SOCIETY IN ACTION,” HANYUMA MUGARUKEMU EBIKAGUZO BINU:

• Habwaki encwamu ekakorwa ey’okukora filimu eyerukukwata ha kitebe ekikuru eky’ensi yoona?

• Firimu ekooleka eta ngu Beseeri eri nk’omubiri gw’omuntu?​—1Kol 12:14-20

• Bulemeezi ki ab’oruganda obubaatangatangaine obubaali nibakora filimu enu, kandi bakabusingura bata?

• Ekyokurorraho kinu nikikwegesa ki obukirukuhika ha mwoyo gwa Yahwe ogurukwera?