AWAKE! Na. 2 2018
Ensita 12 ez’Amaka Agarumu Okusemererwa
Tuhurra ebintu bingi ebibi ebiretera amaka kutabamu okusemererwa. Baitu, bintu ki ebiretera amaka kubamu okusemererwa?
Hagati y’omwaka 1990 na 2015, omuheendo gw’abantu abali haiguru y’emyaka 50 abarukugaitururwa omu Amerika, gukatezaamu emirundi ebiri, kandi ogw’abantu abali haiguru y’emyaka 65 gukatezaamu emirundi esatu.
Abazaire babuzabuziibwe: Abakugu abamu nibagamba ngu abaana basemeriire kwikara nibasiimwa, baitu abandi bagamba ngu abaana basemeriire kuhanwa nk’oku kisemeriire.
Abaana abato nibakura bataine bukugu oburukwetaagwa kusobora kuba basinguzi.
Baitu n’obukiraaba nukwo kiri, amananu gali ngu . . .
Obuswere nibusobora kurugamu ebirungi kandi bukaba bw’orutekerro.
Abazaire nibasobora kwega kuhana abaana baabo omu mulingo ogw’okugonza.
Abaana abato nibasobora kutunga obukugu obubarukwetaaga obubarukuba nibakura.
Omu mulingo ki? Magaziini enu niija kubazaaho ensita 12 ez’amaka agarumu okusemererwa.
1: Kugumirahongana
Haroho ebintu bisatu ebisobora kukonyera abali omu buswere kwikara hamu.
2: Kukorra Hamu
Ow’oli nauwe omu buswere nasisana nk’omuntu oikara nauwe omu nju kwonka?
3: Ekitiinisa
Manya ebigambo n’ebikorwa ebikuru ebisobora kuleetera ow’oli nauwe omu buswere kwehurra ngu n’atekwamu ekitiinisa.
4: Kuganyira
Kiki ekisobora kukukonyera kutateeka omutima ha butahikirra obw’ogu ow’oli nauwe omu buswere?
5: Kubaza Hamu
Haroho ebintu bisatu ebikuru ebisobora kubakonyera kwirra haihi n’abaana banyu.
6: Okuhana
Okuhana kimanyisa ngu n’orabyamu omwana wawe amaiso?
7: Engeso
Ndengo ki ez’osemeriire kwegesa abaana bawe?
8: Ekyokurorraho
Obworaaba n’ogonza ebigambo byawe bihike abaana baawe ha mutima, bisemeriire kuba nibihikaana n’ebikorwa byawe.
9: Eki eky’Oli
Abato nibasobora bata kugumira ha nyikiriza zaabo?
10: Obwesigwa
Kuleetera abazaire bawe kukwesiga kintu kikuru muno obworukuba nogonza kufooka muntu ow’akuzire.
11: Obwekambi
Kwega kukora okyali musigazi nikisobora kukukonyera kuba musinguzi omu buli kintu kyona eky’okora omu bwomeezi bwawe.
12: Ebigendererwa
Kuhikiiriza ebigendererwa nikisobora kukukonyera kweyongera kweyikiririzaamu, kugumya enkoragana yaawe n’abanywani baawe n’okwongera ha kusemererwa kwawe.
Obukonyezi Oburukukiraho Hali Eka
Obuhabuzi bwa Baibuli nibusobora kukukonyera kuba n’obuswere oburungi kandi oburumu okusemererwa.
