“Obukama Bwawe Buije”—Esaara Obukaikuru n’Obukaikuru bw’Abantu Eibasaba
Wakasabaga ngu Obukama bwa Ruhanga bwije? Kumara ebyasa bingi, obukaikuru n’obukaikuru bw’abantu baikara nibagarukamu ebigambo binu; “Obukama bwawe bwije.” Habwaki bagarukamu ebigambo binu? Habwokuba Yesu akagambira abahondezi be kusaba ngu Obukama bwa Ruhanga bwije.
Ha kubanza, Abahondezi ba Yesu batetegereze buli kimu ekiyabalize ha Bukama bunu. Haroho obubamukagwize ngu: “Mukama waitu, omu biro binu numwo oragarurra Isareri obukama?” Nibasobora kuba bahuniriire, habwokuba Yesu atabagambire akasumi konyini Obukama bwa Ruhanga akabuliziramu. (Engeso Ezabakwenda 1:6, 7) Hati nitusobora kugamba ngu, titusobora kumanya ebirukukwata ha Bukama bwa Ruhanga hamu n’akasumi buliiziramu? Nangwa!
Ebiri omu magaziini enu nibiija kukukonyera kutunga eby’okugarukamu eby’ebikaguzo binu:
Habwaki nitwetaaga Obukama bwa Ruhanga?
Nooha Omukama w’Obukama bwa Ruhanga?
Obukama bwa Ruhanga bulitandika di kulema ensi?
Obukama bwa Ruhanga bulikora ki?
Habwaki osemeriire kucwamu kusagika Obukama bwa Ruhanga hati?
Obukama bwa Ruhanga nikyo kiki?
Nosobora Kugonza na Binu;
ENYEGESA ZA BAIBULI ENKURU
Obukama bwa Ruhanga Nikyo Kiki?
Yesu obwakaba natebeza omu nsi, ekintu eki yakizireyo kubazaaho nubwo Obukama bwa Ruhanga. Ebyasa ebirabireho byona, abegeswa be baikaire nibasaba Obukama obu kwija.
