Obutuba nitusoma Baibuli, haroho ebikwato bingi ebitusobora kukozesa kuseruliiriza ha bintu ebiturukusoma. Baitu titusemeriire kuseruliiriza habw’okugonza kumanya ebintu ebihyaka kwonka. Tusemeriire kuserra ebintu ebiratukonyera kweyongera kwirra haihi na Yahwe. Kusobora kukora eki, twine kwekaguza tuti; ‘Ebinasoma nibinyegesa ki hali Yahwe?’

Nitusobora kulengaho kuserra omulingo ebitwasoma birukwoleka emiringo ya Yahwe emikuru nk’okugonza, amagezi, obwinganiza, n’amaani. Baitu haroho n’emiringo ya Yahwe endi nyingi ey’osobora kwesomesaaho. N’osobora kugisanga nkaha?

Rora orukarra rw’emiringo ya Yahwe endi erukuhingura omu 50 erukusangwa omu Watch Tower Publications Index hansi y’omutwe “Jehovah” hansi y’ebigambo “Qualities by Name.” Seruliirizaaho egi erukuhikaana n’ebyoliyo nosoma omu Baibuli. (Obworaaba n’osobora kutunga Ekitabu Ekikonyera Abakaiso ba Yahwe Kuseruliiriza kyonka, rora hansi y’omutwe “Yahwe Ruhanga” hanyuma oserre hansi y’ebigambo “Emiringo ya Yahwe.”)