Ningachita Wuli Para Sukulu Navuka Nayo?

JULANI

Ivyo ungachita

Wona uwemi wa sukulu. Ni vyose yayi ivyo ukusambira ku sukulu pasono vikuwoneka kuti vingakovwira. Kweni ivyo ukusambira vizamukovwira kupulikiska vinthu vinandi munthazi. Vikovwirenge “kuzgoka vinthu vyose ku ŵanthu ŵa mitundu yose,” kuti uzakamanye kuyowoya na ŵanthu ŵamitundu yakupambanapambana. (1 Ŵakorinte 9:22) Fundo yinyake njakuti para munthu ngwakusambira wakughanaghana makora. Para wasambira vizamukovwira kunthazi.

Para ukusambira vikuyana waka na kunozga kanthowa mu thondo kuti uyendemo. Kweni kuti ivi vichitike ni para uli na vyakugwilira ntchito vyakwenelera

Wona viwemi mwa asambizgi. Usange ukuwona kuti asambizgi ŵakukubowa, ghanaghanira chomene ivyo ŵakukusambizga. Kumbuka kuti ivyo ŵakukusambizga ŵasambizgapo makilasi ghanadi. Chingaŵa chakusuzga kuti ŵakusambizge nga umo ŵakachitiranga pakwamba.

Ivyo ungachita: Ulembenge manosi, ufumbenge kuti umanye vinandi, kweniso ukondwenge na ivyo ukusambira. Para vyaŵa nthena asambizgi nawo ŵakhukenge kukusambizga.

Kujidelera yayi. Sukulu yikovwirenge kumanya vinyake ivyo ukamanyanga yayi kuti ungachita. Paulosi wakalembera Timote kuti: “Usonkhezge nga ni moto chawanangwa cha Chiuta icho ukapokera.” (2 Timote 1:6) Apa vikulongora kuti Timote wakapika chawanangwa cha mzimu utuŵa. Kweni wakeneranga kugwiliskira ntchito “chawanangwa” ichi kuti chileke kukhala waka. Ndipouli, usange uli na mahara ku sukulu ni Chiuta yayi uyo wakachita kukupa mwakudunjika. Ndimo nawe, uliri. Sukulu yingakovwira kuti umanye vinthu na kuchita ivyo ukamanyanga yayi kuti ungachita.