1 Ŵakorinte 6:1-20
6 Usange yumoza wa imwe wali na mulandu na munyake,+ chifukwa wuli wakuchita chikanga kuluta nayo ku khoti la ŵanthu ŵambura urunji m’malo mwa kuluta nayo panthazi pa ŵatuŵa?
2 Kasi mukumanya yayi kuti ŵatuŵa ŵazamweruzga charu?+ Ndipo usange imwe muzamweruzga charu, kasi muli ŵakwenelera chara kweruzga nkhani zichokozichoko?
3 Kasi mukumanya yayi kuti tizamweruzga ŵangelo?+ Kasi tingatondeka kweruzga nkhani za umoyo uno?
4 Ndipo usange muli na nkhani za umoyo uno kuti zeruzgike,+ kasi ŵanthu awo ŵakuyuyulika na mpingo ndiwo mukuŵasankha kuŵa ŵeruzgi?
5 Nkhuyowoya kuti nimukhozgani soni. Kasi palije munthu yumoza wavinjeru pakati pinu uyo wangeruzga ŵabali ŵake?
6 Kweni mubali wakutolera mubali ku khoti, panthazi pa ŵambura kugomezga.
7 Para mukutolerana ku khoti chikulongora kuti mwatondeka. Mwalekerachi kuzomera waka kuti ŵamubudirani?+ Mwalekerachi kuzomera waka kuti ŵamwibirani?
8 Kweni imwe ndimwe mukubuda na kwiba, ndipo ivi mukuchitira ŵabali ŵinu.
9 Kasi mukumanya yayi kuti ŵanthu ŵambura urunji ŵazamuhara yayi Ufumu wa Chiuta?+ Mungapuluskikanga* yayi. Kwali mbazaghali,*+ ŵakusopa vikozgo,+ ŵaleŵi,+ ŵanalume awo ŵakuzomera kugoneka na ŵanalume ŵanyawo,+ ŵanalume awo ŵakugonana na ŵanalume ŵanyawo,+
10 ŵankhungu, ŵaryezi,*+ ŵaloŵevu,+ ŵakutuka, na ŵakuphanga ŵazamuhara yayi Ufumu wa Chiuta.+
11 Mwaŵanyake ndimo mukaŵira. Kweni mwageziskika mwatowa,+ mwatuŵiskika,+ mwapimika ŵarunji+ mu zina la Fumu yithu Yesu Khristu ndiposo na mzimu wa Chiuta withu.
12 Vinthu vyose ni vyakuzomerezgeka kwa ine, kweni ni vinthu vyose yayi ivyo ni vyachandulo.+ Vinthu vyose ni vyakuzomerezgeka kwa ine, kweni nizomerenge chara kuŵa pasi pa mazaza gha kanthu kalikose.
13 Vyakurya ni vya nthumbo, ndipo nthumbo nja vyakurya, kweni Chiuta wazamuparanya vyose, nthumbo na vyakurya wuwo.+ Sono thupi nda uzaghali* chara, kweni nda Fumu,+ ndipo Fumu ndiyo njeneko ya thupi.
14 Kweni Chiuta wakawuska Fumu+ ndipo wazamuwuskaso ise ku nyifwa+ kwizira mu nkhongono yake.+
15 Kasi mukumanya chara kuti mathupi ghinu ni viŵaro vya Khristu?+ Ipo kasi nitorenge viŵaro vya Khristu na kuvibatika ku thupi la hule? Yayi!
16 Kasi mukumanya yayi kuti uyo wajibatika kwa hule wakuŵa thupi limoza na hule? Pakuti Chiuta wakuti, “Wose ŵaŵiri ŵaŵenge thupi limoza.”+
17 Kweni uyo wajibatika kwa Fumu wakuŵa pamoza na iyo mu mzimu.+
18 Chimbirani uzaghali.*+ Kwananga kunyake kose uko munthu wangachita kukuŵa kuwaro kwa thupi lake, kweni uyo wakuchita uzaghali wakwanangira thupi lake.+
19 Kasi mukumanya yayi kuti thupi linu ni tempile+ la mzimu utuŵa uwo uli mwa imwe, uwo Chiuta wali kumupani?+ Kweniso imwe muli ŵa Chiuta,+
20 chifukwa mukagulika na mtengo ukuru.+ Ipo chindikani Chiuta+ na mathupi ghinu.+
Mazgu Ghamusi
^ Wonani Mang’anamuro gha Mazgu, “Uzaghali.”
^ Panji kuti, “Mungapusikikanga.”
^ Mazgu ghanyake, “ŵambunu.”
^ Mu Chigiriki, por·neiʹa. Wonani Mang’anamuro gha Mazgu.
^ Mu Chigiriki, por·neiʹa. Wonani Mang’anamuro gha Mazgu.
