CHIFUKWA WULI NTCHAKUZIRWA?: Nga umo viliri na vinthu vinandi, kuchezga pa intaneti nkhuwemi waka, kweni kungaŵaso kwakofya. Ŵakhristu ŵanyake ŵali kusankha kuleka kuchezga pa intaneti. Kweni Ŵakhristu ŵanyake ŵakugwiliskira ntchito intaneti kuti ŵachezge na mbumba zawo panji ŵabwezi ŵawo. Ndipouli, Satana wakukhumba kuti tigwiliskirenge ntchito intaneti mwambura mahara mwakuti tinange ubwezi withu na Yehova. Nga ni Yesu, nase fundo za mu Baibolo zingatovwira kumanya vinthu ivyo vingananga ubwezi withu na Yehova.—Lu 4:4, 8, 12.

IVYO MUKWENERA KUŴA NAVYO MASO:

• Kuchezga nyengo yitali pa intaneti. Kuchezga nyengo yitali pa intaneti kungatimalira nyengo yakuzirwa iyo mphanyi tachitira vinthu vyauzimu.

  Fundo za mu Baibolo: Efe 5:15, 16; Fil 1:10

• Kuwonelera vinthu viheni. Kuwonelera vithuzi vyakuwuska khumbiro lakugonana kungapangiska kuŵa na chizgoŵi chakuwonelera vithuzi vyamuziro panji kuchita uzaghali. Kuŵazga nkhani za ŵachigaluka kungananga chipulikano chithu.

  Fundo za mu Baibolo: Mt 5:28; Fil 4:8

• Kulemba panji kuŵikapo vithuzi vyambura kwenelera. Pakuti mtima ngwakupusika, munthu wangayezgeka na kuŵikapo vithuzi vyambura kwenelera panji kukhozgera vinthu viheni. Ivi vingananga mbiri ya munthu munyake panji kukhuŵazga ŵanji.

  Fundo za mu Baibolo: Ro 14:13; Efe 4:29

WONELERANI VIDIYO YA MUTU WAKUTI UŴENGE MASO PA INTANETI, NDIPO PAMASINDA DUMBISKANANI UMO TINGAŴIRA MASO PA VIGAŴA IVI: