Sambiro 1

Umo Mungasangira Ivyo Ciuta Wakukhumba

Kasi ndi nkani yakuzirwa uli iyo yili mu Baibolo? (1)

Mlembi wa Baibolo ndi njani? (2)

Ncifukwa uli mukwenera kuŵerenga Baibolo? (3)

1. Baibolo ncawanangwa capatari comene kufumira kwa Ciuta. Liri nga ndi karata yakufuma kwa dada wakutemweka kuya ku ŵana ŵake. Likutiphalira unenesko pakunena za Ciuta—ico iye wali na ivyo wakukhumba. Likurongosora umo mungacitira na masuzgo naumo mungasangira kukondwa kwa unenesko. Ndi Baibolo lekha likutiphalira ico tingacita kuti timukondweske Ciuta.—Salmo 1:1-3; Yesaya 48:17, 18.

2. Baibolo likalembeka na ŵanarumi 40 ŵakupambanapambana pautali wanyengo yavyaka 1,600, kuyambira mu 1513 B.C.E. * Ndakupangika na mabuku ghacokoghacoko ghakukwanira 66. Awo ŵakalemba Baibolo ŵakafunyilirika na Ciuta. Ŵakalemba maghanoghano ghake, kuti ghaŵo cara. Ntheura Ciuta kucanya, kuti muntu waliyose yayi pa caru, ndiye Mwati wa Baibolo.—2 Timote 3:16, 17, NW; 2 Petros 1:20, 21.

3. Ciuta wakasimikizga kuti Baibolo lalembeka na kusungika makora mwakurondora. Mabaibolo ghanandi comene ghalembeka kuruska buku linyake lirilose. Kuti waliyose wangakondwa namwe yayi kumuwonani mukuŵazga Baibolo, kweni cingaŵanga cifukwa cakumulekeskani cara. Muntazi mwinu mwandanda mukuthemba pa kumanya kwinu Ciuta nakucita khumbo lake mwambula kupwelererako kususka kulikose.—Mateyu 5:10-12; Yohane 17:3.

[Mazgu ghamusi]