Kuti musungilire ubwezi, mukwenera kuyowoyeskananga na bwezi linu. Mukutegherezga kwa ilo, ndiposo ilo nalo litegherezge kwa imwe. Mwakusazgirapo, mukuyowoya vintu viweme vya bwezi linu ku ŵanji. Ici ncakuyana waka na kuŵa bwezi la Ciuta. Aghanaghanirani ivyo Baibolo likuyowoya za nkani iyi:

Yowoyani na Yehova nyengo zose mu pempero. “Mufwirirenge mu kuromba.”—Ŵaroma 12:12.

Ŵazgani Mazgu gha Ciuta, Baibolo. “Malembo ghose ghakuperekeka na Ciuta ghakwanduliraso kusambizga, na kucenya, na kunozga.”—2 Timote 3:16.

Sambizgani ŵanji za Ciuta. “Nteura rutaninge mukasambizge mitundu yose, . . . muŵasambizge kukoreska vyose ivyo ndamulangulirani.”—Mateyu 28:19, 20.

 Sendelerani kufupi na mabwezi gha Ciuta. “Uyo wakwenda na ŵavinjeru naye tiwaŵe wavinjeru.”—Zintharika 13:20.

Sangikanipo pa maungano ku Nyumba ya Ufumu. “Tighanaghanirane na kukhuŵirizgana ku kutemwa na ku milimo yiweme . . . kuciskana.”—Ŵahebere 10:24, 25.

Wovwirani kurutiska pantazi ncito ya Ufumu. “Muntu yose wapenge nga ndi umo waghanaghanira mu mtima wake; na kudonda cara, nesi na kukoserezgeka: cifukwa Ciuta wakutemwa uyo wakupa na kusangwa.”—2 Ŵakorinte 9:7.