KWAMBA KUYOWOYA NA ŴANTHU
SAMBIRO 5
Mahara
Fundo: “Ivyo mukuyowoya viŵenge vyakukondweska nyengo zose.”—Kol. 4:6.
Ivyo Paulosi Wakachita
1. Wonelerani VIDIYO, panji ŵazgani Milimo 17:22, 23. Kufuma apo zgorani mafumbo ghakulondezgapo agha:
-
Kasi Paulosi wakajipulika wuli na maluso gha chisopa chautesi agho ghakaŵa mu Ateni?—Wonani Milimo 17:16.
-
M’malo mwa kuŵasuska Ŵaateni, kasi Paulosi wakachita wuli vinthu mwamahara mwakugwiliskira ntchito vigomezgo vyawo kuti waŵapharazgire makani ghawemi?
Kasi Tikusambirako Vichi kwa Paulosi?
2. Ŵanthu ŵangategherezga uthenga withu usange tikusankha mwamahara ivyo tingayowoya, umo tingayowoyera, kweniso nyengo iyo tingayowoyera.
Yezgani Paulosi
3. Sankhani mazgu ghawemi. Mwachiyelezgero, para mukudumbiskana na munthu uyo wakulira mu mbumba iyo ŵakusopa yayi, mungakhumbikwira kuchita mwamahara para muyowoyenge vya Baibolo panji vya Yesu.
4. Kuchimbilira kumususka yayi munthu. Mupani m’pata kuti walongosore ivyo vili mu mtima wake. Para wayowoya vinthu ivyo vikususkana na visambizgo vya mu Baibolo, lekani kuchimbilira kumususka. (Yak. 1:19) Para mungamutegherezga ndipo mungamanya makora ivyo vili mu mtima wake.—Zinth. 20:5.
5. Koleranani nayo ndipo muwongani usange mphakwenelera. Iyo wangaŵa kuti wakugomezga na mtima wose kuti vigomezgo vya chisopa chake ni vyaunenesko. Yambani dankha kudumbiskana nayo nkhani izo mungakolerana, ndipo pachoko na pachoko movwirani kuti wapulikiske ivyo Baibolo likusambizga.
