CHIGAŴA 3
Fundo za Ufumu—Kupenja Urunji wa Chiuta
TIYELEZGERE kuti mukujumpha pa nyumba ya mzengezgani winu na kumubayibiska. Ndipo kanandi wakumuwonani para mukujumpha pamoza na mbumba yinu. Nayo wakumubayibiskani. Kweni pa zuŵa ili wakumwimikani na kumufumbani kuti: “Chifukwa wuli mwaŵanthu imwe mukupambana na ŵanthu ŵanyake?” Namwe mukumufumba kuti: “Imwe mwafumbirachi?” Iyo wakuti: “Ndimwe Ŵakaboni ŵa Yehova ŵati? Mukupambana na ŵanthu ŵa matchalitchi ghanyake. Mukuchitako yayi maholide, ndyali, nkhondo, kweniso mukukhweŵa yayi. Mose mu mbumba yinu mukuwoneka kuti muli na nkharo yiwemi. Chisisi chinu ntchakuti wuli chomene?”
Mukumanyirathu kuti zgoro ndakuti: Tikuchita ivyo Ufumu wa Chiuta ukusambizga. Themba lithu Yesu, likutisambizga. Likutovwira kuti tilondezgenge mendero ghake. Lekani tikupambana na ŵanthu mu charu ichi. Mu chigaŵa ichi tiwonenge umo kwamba kale, Ufumu ukutozgera ŵanthu ŵa Chiuta mwauzimu, mwakuthupi, kweniso gulu lose mwakuti Yehova wapike uchindami.
MU CHIGAŴA ICHI
MUTU 11
Kusintha Nkharo Chifukwa Chiuta Ni Mutuŵa
Vipinda vya ŵalonda na mumphepete mwa vipata vya tempile ilo Ezekiyeli wakawona mu mboniwoni vili na ng’anamuro lapadera ku ŵanthu ŵa Chiuta kwambira mu 1914.
MUTU 12
Tawovwirika Kuti Titeŵetere “Chiuta wa Mtende”
Baibolo likupambaniska utimbanizgi na mtende. Chifukwa wuli? Kasi zgoro likukhwaska wuli Ŵakhristu mazuŵa ghano?
