NKHANI YA PA CHIKOPI | MUNGAŴA PAUBWEZI NA CHIUTA
Kasi Chiuta Ni Mubwezi Winu?
Christopher, wa ku Ghana, wakati: “Para munthu wali paubwezi na Chiuta wakuŵa wakuvikilirika. Vikuŵa nga Chiuta wali nayo pafupi kuti wamovwire.”
Hannah, msungwana wa vyaka 13 wa ku Alaska, U.S.A, wakati: “Para uli mu suzgo, Chiuta wakukovwira na kukulongora chitemwa.”
Gina, mwanakazi wa vyaka vyakujumpha 40 wa ku Jamaica, wakati: “Para wamunthu uli paubwezi na Chiuta, ukukhozgeka kweniso ukujipulika makora.”
Padera pa Christopher, Hannah, na Gina, paliso ŵanthu ŵanandi pa charu chose awo mbabwezi ŵa Chiuta. Imwe ke? Kasi Chiuta ni mubwezi winu? Kasi mungatemwa kuti waŵe mubwezi winu? Kasi vingachitika kuti munthu waŵe mubwezi wa Chiuta Wankhongonozose? Kasi wangachita wuli?
MUNGAŴA MUBWEZI WA CHIUTA
Baibolo likuti munthu wangaŵa paubwezi na Chiuta. Abrahamu wakachemekanga “mubwezi wa Yehova.” (Yakobe 2:23) Kweniso pa Yakobe 4:8, pakuti: “Sendelerani kwa Chiuta, ndipo iyo wasendelerenge kwa imwe.” Ivi vikulongora kuti ntchamachitiko kuŵa paubwezi na Chiuta. Kweni pakuti Chiuta tikumuwona yayi, kasi ‘tingasendelera’ wuli kwa iyo na kuŵa mubwezi wake?
Kuti tizgore fumbo ili, tiyeni tiwone ivyo ŵanthu ŵakuchita kuti ŵaŵe mabwezi. Ŵakumanyana dankha, ŵakwamba kuchezga, na kuphalirana vyakusingo ndipo ubwezi wawo ukukura. Ŵakuchitirana tuwemituwemi, ndipo ubwezi ukulutilira kukhora. Ndimo tingachitiraso na Chiuta. Tiyeni tiwone.
Panji Mungatemwa Kuŵerengaso Nkhani Izi
GONGWE LA MULINDA
Kasi Mukulimanya Zina la Chiuta?
Chiuta wakajivumbura apo wakati: “Ine ndine Yehova; ili ndilo zina lane.”
