Mafumbo Agho Baibolo Likuzgora
Chifukwa wuli tikwenera kukumbukira nyifwa ya Yesu?
Kasi Tizamusanga Vitumbiko wuli Chifukwa cha Nyifwa ya Yesu?—Yesaya 25:8; 33:24
Nyifwa ya Yesu njakuzirwa chomene. Wakatifwira kuti wawezgerepo umoyo wa urunji. Chiuta wakatilenga kuti tichitenge viheni yayi, kulwara panji kufwa. (Genesis 1:31) Tose ndise ŵakwananga chifukwa tili kufuma kwa Adamu. Ntheura Yesu wakatifwira kuti watiwombore ku kwananga na nyifwa.—Ŵazgani Mateyu 20:28; Ŵaroma 6:23.
Chiuta wakalongora chitemwa chapadera pakutuma Mwana wake pa charu chapasi kuti wazakatifwire. (1 Yohane 4:9, 10) Yesu wakaphalira ŵasambiri ŵake kuti ŵakumbukirenge nyifwa yake. Pakukumbukira nyifwa iyi, pakuŵa chingwa na vinyo. Tingalongora kuti tikuwonga chitemwa icho Chiuta na Yesu ŵali kutilongora para chaka chilichose tikukumbukira nyifwa ya Yesu.—Ŵazgani Luka 22:19, 20.
Kasi mbanjani ŵakwenera kurya chingwa na kumwa vinyo?
Apo Yesu wakaphaliranga ŵasambiri ŵake kuti ŵakumbukirenge nyifwa yake, wakachita nawo phangano. (Mateyu 26:26-28) Phangano ili likaŵa lakuti ŵakaŵe mathemba na ŵasofi pamoza na iyo kuchanya. Nangauli ŵanthu ŵanandi ŵakukumbukira nyifwa yake, kweni ŵekha awo ŵali mu phangano ili ndiwo ŵakwenera kurya chingwa na kumwa vinyo.—Ŵazgani Uvumbuzi 5:10.
Kwa vyaka pafupifupi 2,000, Yehova wakusankha awo ŵazamuŵa mathemba. (Luka 12:32) Ŵanthu aŵa mbachoko chomene pakuyaniska na awo ŵazamukhala kwamuyirayira pa charu chapasi.—Ŵazgani Uvumbuzi 7:4, 9, 17.
Panji Mungatemwa Kuŵerengaso Nkhani Izi
MANYANI VYA ISE
Kukumbukira Nyifwa ya Yesu
Ŵakaboni ŵa Yehova ŵakumuchemani kuti muzakaŵepo pa Chikumbusko cha Nyifwa ya Yesu pa April 12, 2025.
MAFUMBO AGHO BAIBOLO LIKUZGORA
Chifukwa Wuli Yesu Wakafwa?
Ŵanthu ŵanandi ŵakumanya kuti Yesu wakatifwira kuti tisange umoyo. Kasi nyifwa ya Yesu yikutovwira wuli chomenechomene?
GONGWE LA MULINDA
Chifukwa Wuli Tikwenera Kukumbukira Nyifwa ya Yesu?
Ŵanthu ŵanandi ŵakukumbukira kubabika kwa Yesu pa Khisimasi na kuwuka kwake pa Isitara
IVYO ŴANTHU ŴAKUTEMWA KUFUMBA
Chifukwa Wuli Ŵakaboni ŵa Yehova Ŵakupanga Mugonero wa Fumu Mwakupambana na Matchalitchi Ghanyake?
Mugonero wa Fumu panji kuti Chikumbusko, ntchakuchitika chapadera chomene ku Ŵakaboni ŵa Yehova. Wonani ivyo Baibolo likuyowoya vyakukhwaskana na chakuchitika ichi.
