Mafumbo Agho Baibolo Likuzgora
Kasi uheni ukufuma nkhu?
Kasi ninjani uyo wakakhumbanga kuti Yesu wanange?—Mateyu 4:8-10
Munthu waliyose wakukhumba kuŵa wamtende, wakugomezgeka na walusungu. Ipo chifukwa wuli kanandi tikuwona ŵanthu ŵakutimbana, kuchitirana nkhaza, na kukomana? Nkhani za vinthu viheni ivyo vikuchitika zili palipose. Kasi walipo uyo wakuchitiska ŵanthu kuchita vinthu viheni?—Ŵazgani 1 Yohane 5:19.
Kasi Chiuta wakalenga ŵanthu kuti ŵachitenge viheni? Yayi. Yehova Chiuta wakalenga ŵanthu mu chikozgo chake, kuti nawo ŵatemwenge ŵanji nga ndiyo. (Genesis 1:27; Job 34:10) Kweni Chiuta wali kuŵapa ŵanthu wanangwa wa kusankha. Adamu na Eva ŵakati ŵasankha kuchita viheni, ŵakazgoka ŵakwananga. Ntheura ise tili kutolera kwananga kufuma kwa iwo.—Ŵazgani Duteronome 32:4, 5.
Kasi uheni ulutilirenge kuŵako?
Chiuta wakukhumba kuti tileke kuchita viheni. (Zintharika 27:11) Ntheura wakutisambizga umo tingachitira kuti tigege viheni na umo tingaŵira ŵakukondwa. Kweni pasono tingatolera chitemwa cha Chiuta ndendende yayi.—Ŵazgani Salmo 32:8.
Nangauli sono uheni wazara, Chiuta wawulekelera dala nyengo yichoko waka. (2 Petrosi 3:7-9) Kweni sonosono apa, charu chose chizamuzura na ŵanthu ŵachimwemwe awo ŵakupulikira Chiuta.—Ŵazgani Salmo 37:9-11.
Panji Mungatemwa Kuŵerengaso Nkhani Izi
MAFUMBO AGHO BAIBOLO LIKUZGORA
Kasi Dyabulosi Waliko Nadi?
Kasi Satana ni uheni uwo wuli mu mtima wa munthu, panji waliko nadi?
