Charu Chazura na Masuzgo—Kasi Tingachita Wuli?
Kasi mukuwona kuti sono mukusuzgika chomene na masuzgo agho ghali mu charu kuluska kumasinda kose? Kasi masuzgo ghakulondezgapo agha ghaliko uko mukukhala?
nkhondo
matenda ghakwambukira
masoka ghachilengiwa
ukavu
sankho
nkhaza
Para kwachitika soka, ŵanthu ŵanandi awo ŵakhwaskika ŵakusoŵa chakuchita kweniso ŵakuŵavya chigomezgo chilichose. Ndipo ŵanyake ŵakutondeka kughanaghana makora. Ntheura vinthu vinganangikirathu para munthu wangalutilira kusoŵa chakuchita kweniso kuleka kughanaghana makora para soka lachitika.
Panyengo iyo suzgo lakofya lachitika, tikwenera kuchita vinthu mwamahara kuti tivikilire ŵakutemweka ŵithu, umoyo withu, kweniso kuti tilutilire kuŵa ŵakukondwa.
Kasi mungachita wuli sono kuti muleke kukhwaskika chomene na masuzgo agho ghazura mu charu ichi?
