VYAKA 800 ivyo vyajumpha, ŵanthu wakuchemeka Ŵamaori ŵakenda mtunda utali wa pa Nyanja na kuzakakhazikika ku New Zealand. Ŵakasanga kuti malo agha ghakupambana chomene na uko ŵakafuma. Malo agho ŵakasamira ghakaŵa gha mapiri na ghakuzizima. Mtundu unyake wa ŵanthu uwo ukafuma ku Europe ukiza pamanyuma pa vyaka 500. Mitheto ya ŵanthu ŵa ku New Zealand yikuyanako na ya ŵanthu ŵa ku virwa vya Polynesia na Europe. Ŵanthu ŵanandi mu charu ichi ŵakukhala mu tawuni. Msumba ukuru wa Wellington ukupambana chomene na yinyake chifukwa ndiwo wekha uwo uli kumwera chomene kuluska misumba yose pa charu.

 Nangauli charu ichi chili pachekha, kweni chikupokelera ŵalendo 3 miliyoni pa chaka chifukwa chili na vinthu vinandi vyakutowa chomene.

Charu cha New Zealand chili na vyamoyo vinandi vyachilendo, ndipo kuli mitundu yinandi ya viyuni ivyo vikuduka yayi. Mu charu ichi ndimoso mukusangika ŵagwalawara ŵakuchemeka tuatara awo ŵangakhala na umoyo vyaka 100. Vyamoyo ivyo vikusangika chomene ku charu ichi mbakasuska na visomba vikuruvikuru vyakuchemeka whale na dolphin.

Ŵakaboni ŵa Yehova ŵapharazga mu charu cha New Zealand pafupifupi vyaka 120. Ŵakusambizga ŵanthu Baibolo mu viyowoyero 19, kusazgapo viyowoyero vya ku virwa vya Polynesian nga ni Chiniueya Chirarotongan, Chisamoa, na Chitongan.