Pa May 24, 2022, chinthu chakofya na chakuchitiska chitima chomene chikachitika mu tawuni yichoko ya Uvalde, Texas, U.S.A. Kuyana na Nyuzipepara ya New York Times, “munthu uyo wakaŵa na futi wakalasa na kukoma ŵana ŵasukulu 19 na ŵasambizgi ŵaŵiri . . . pa Sukulu ya pulayimare ya Robb.”

 Chachitima ntchakuti, vinthu vyakofya vyanthena ivi vyazara chomene. Nyuzipepara ya USA Today yikati ku United States pera, “chaka chamara ichi chiŵembu cha kulasa ŵanthu na futi mu masukulu chikachitika maulendo 249—chiŵelengero ichi chikuluska vyaka vyose kumasinda uku kufuma mu 1970.”

 Chifukwa wuli vinthu vyankhaza ivi vikuchitika? Kasi ntchivichi chingatovwira kuzizipizga vinthu vyakuchitiska chitima ivi? Kasi pali chigomezgo chilichose chakuti vinthu vyankhaza ivi vizamumara? Baibolo likuzgora mafumbo agha.

•   Baibolo likuyowoya kuti nyengo iyo tilimo iyi ni “mazuŵa ghaumaliro” ndipo ŵanthu ŵaŵenge “ŵambura chitemwa” na “ŵakofya.” Ivi vikupangiska kuti ŵachitenge vinthu vyankhaza na kuŵa na mtima wauchinyama. Nakuti awo ŵakuchita vinthu viheni ivi “ŵalutilirenge kuŵa ŵaheni.” (2 Timote 3:1-5, 13) Kuti mumanye vinandi, ŵazgani nkhani yakuti “Kodi Baibulo Linaneneratu za Mmene Anthu Adzidzaganizira ndi Kuchitira Zinthu Masiku Ano?”

 Ŵanthu ŵanandi ŵakujifumba kuti, ‘Chifukwa wuli Chiuta wakulekeska yayi vinthu viheni na vyakofya nga nkhulasana uko kukuchitika mu masukulu?’ Kuti musange zgoro la mu Baibolo, ŵazgani nkhani yakuti “Cifukwa Wuli—Vinthu Viheni Vikucitikira Ŵanthu Ŵawemi?”

•   ‘Vinthu vyose ivyo vikalembeka kale, vikalembeka kuti vitisambizge, kuti para [tasanguluskika] na Malemba, tiŵe na chigomezgo.”—Ŵaroma 15:4.

 Fundo za mu Baibolo zingamovwirani kuti muzizipizge nkhaza izo zikuchitika mu charu ichi. Kuti mumanye vinandi wonani magazini ya Wukani! ya Chicheŵa ya mutu wakuti “Kodi Anthu Adzasiya Kuchitirana Zachiwawa?”

 Kuti musange masachizgo gha umo ŵapapi ŵangachitira kuti ŵawovwire ŵana ŵawo kuti ŵaleke kutimbanizgika na malipoti gha nkhani zakofya, ŵazgani nkhani yakuti “Kodi Mwana Wanu Amaopa Akamva za Zimene Zachitika?”

•   “Wazamuŵathaska ku kuyuzga na nkhaza.”—Salimo 72:14.

•   “Ŵanthu ŵazamuskana malupanga ghawo kuŵa vyakulimira, mikondo yawo kuŵa vyakuphatilira makuni. Mtundu uzamuwuskira lupanga mtundu unyake chara, ndipo ŵanthu ŵazamusambiraso nkhondo chara.”—Mika 4:3.

 Chiuta wazamuchita vinthu ivyo ŵanthu ŵangavifiska yayi. Ufumu wake wakuchanya uzamuwuskapo vilwero vyose na kumazga vinthu vyose vyankhaza. Kuti mumanye vinandi vyakukhwaskana na ivyo Ufumu wa Chiuta uzamufiska, ŵazgani nkhani yakuti “Mu Ufumu wa Chiuta Muzamuŵa ‘Mtende Wakuzara.’”