Pa November 9, 2022, ŵalaraŵalara ŵa Tawuni ya Ramapo ŵakazomerezga dango liphya pa nkhani ya umo malo ghangagwilira ntchito, ivyo vyapeleka mwaŵi ku Komiti ya Vyakuzenga ya Ramapo (Construction Project Committee (CPC)) kuti yipemphe usange tingazomerezgeka kwambapo ntchito ya kuzenga. a

Padera pa ivi, ŵanthu awo tikaŵalemba kuti ŵasazgireko na kunozga msewu wakulutira ku malo gha maofesi ghithu gha ku Ramapo, ŵali kumalizga. Kweniso awo ŵakajipeleka kovwirapo pa ntchito ya kuzenga ŵali kumalizga kunozga buliji lakale ilo pakwenda msewu wakuluta ku malo agha. Ntchito iyo ŵakachita yikaŵa yakusanuzga na kuzengaso makora buliji kuti magalimoto ghakuru na ghanyake ghakovwira para kwachitika ngozi ghazakaleke kusuzgika pakwenda. Kukwambilira kwa ntchito iyi, ŵanthu wose ŵazamwendanga dankha mu msewu wakujumpha pa buliji ili.

Mubali Matthew Mordecki, uyo wakuteŵetera mu Construction Project Committee, wakuti: “Umo vinthu vyasinthira pa nkhani ya umo tingagwiliskira ntchito malo, viwovwirenge kuti chiŵe chipusu kupempha kuti ŵazomerezge mapulani ghithu mwakuti nase tambepo ntchito yithu yakuzenga. Para ŵatizomerezga, mbwenu tambengeko kunozga malo cha kukwambilira kwa December 2022.”

Tikulomba kuti mphanyi Yehova walutilira kutovwira kuti ‘vinthu viŵayendere makora’ ŵabali na ŵadumbu awo ŵakuŵikapo mtima kuti ntchito yakuzenga iyi yilute panthazi.—Nehemiya 1:11.