Pa December 2, 2021, Khoti la Pervomayskiy ilo lili ku Bishkek, Kyrgyzstan, likakana pempho la uyo wakwimira boma pa milandu lakuti mabuku 13 gha Ŵakaboni ŵa Yehova ghaŵe mu gulu la vinthu vyakofya. Wakwimira boma pa milandu wakayezga kupangiska khoti kuti lidumure mulandu uwu mwaluŵiroluŵiro ntheura wakalemba vyakukhwaskana na mulandu uwu mwakudumura na kupeleka ku ŵabali ŵithu. Ndipouli, maloya agho ghakatiyimiranga pa mulandu uwu ghakafiska kupeleka fundo zakupulikikwa makora zakujivikililira izo zikalembeka na Watch Tower Bible and Tract Society of Pennsylvania kweniso Religious Center of Jehovah’s Witnesses of the Kyrgyz Republic. Mweruzgi wakalondezga fundo izi apo wakapelekanga chigamuro chakuti mulandu uwu ngwambura kwenelera kudumbika mu khoti, pa chifukwa ichi wamazgika. Wakwimira boma pa milandu wapika mazuŵa 10 ghakuti wangapanga apilu chigamuro ichi.

Pa chinayi, December 2, 2021, khoti la Pervomayskiy ilo lili ku Bishkek, Kyrgyzstan, lizamupeleka chigamuro chake usange mabuku ghithu 13 ghakwenelera kuŵikika mu gulu la vinthu vyakofya panji yayi. Chilato chake ntchakuti ŵalondezge ivyo charu cha Russia chikuchita mwakukanizga milimo yithu yinyake padera pakukanizga waka mabuku ghithu. Mwachiyelezgero, kalata iyo Komiti yakuwona vya chivikiliro cha charu cha Kyrgyzstan yikalembera wakwimira boma pa milandu yikuti “mphanyi wupu wa chisopa ichi na vyose ivyo chikupanga kweniso milimo yake yose yakanizgika mu charu cha Kyrgyzstan.”