Khoti la Bikinskiy ilo lili ku Chigaŵa cha Khabarovsk lipelekenge chigamuro chake sonosono apa pa mulandu wa Mubali Sergey Kazakov. Wakwimira boma pa milandu wachali wandapemphe chilango icho wangapika.

1. November 9, 2020

   Ŵakamujulira mulandu. Ŵakati wali na mulandu wakuchita vinthu vyakofya

2. December 21, 2020

   Komiti Yakufufuza Milandu na ŵa FSB ŵakasecha nyumba 10, kusazgapo na nyumba ya Sergey. Ŵakamukaka na kumusunga dankha

3. December 23, 2020

   Ŵakamutuma ku jele kulindilira kuti mulandu wake weruzgike

4. June 4, 2021

   Wakafumiskika mu jele na kutumika pa jele la panyumba

5. August 5, 2021

   Wakafumiskika pa jele la panyumba

6. February 28, 2022

   Khoti likamba kutegherezga mulandu wake. Apo likategherezga ulendo wakwamba, mweruzgi wakati mulandu uwelere dankha ku ofesi ya wakwimira boma pa milandu chifukwa pakaŵa vinthu vinyake vyakubudika

7. April 28, 2022

   Mweruzgi wakasintha ivyo wakadumura kuti mulandu uwelere kwa wakwimira boma pa milandu, ndipo wakati khoti ilo likamba kutegherezga mulandu uwu lilutizge kuwutegherezga

8. June 14, 2022

   Khoti likambaso kutegherezga mulandu

Apo Sergey wakulutilira kulongora chipulikano chake mwa Yehova, nase tikukoŵerana nayo pakuyowoya mazgu gha pa Salimo 31:14, agho ghakuti: “Ine nkhuthemba imwe, A Yehova. Nkhuti: ‘Ndimwe Chiuta wane.’”