MAY 14, 2024
RUSSIA

“Munthu Wakutumbikika Para Wakupulikira”

JULANI

Khoti la Lesosibirsk ilo lili mu Chigaŵa cha Krasnoyarsk sonosono lipelekenge chigamuro chake pa mulandu wakukhwaskana na Mudumbu Anna Matveyeva. Wakwimira boma pa mulandu wandapemphe chilango icho mudumbu uyu wangapika.

Vyakukhwaskana na munthu uyu

Anna Matveyeva

Chaka chakubabikira: 1977 (Selenduma, ku Buryatia)

Mbiri yake: Wakusambizga chiyowoyero cha ku Russia

Wakatengwa mu 1998. Iyo na mfumu wake ŵali na ŵana ŵaŵiri, munyamata na msungwana

Wakasambira Baibolo na Ŵakaboni ŵa Yehova kwa vyaka vinandi. Wakajipeleka kwa Yehova pamanyuma pakuti wapulikiska makora vya sembe yakuwombora ya Yesu. Wakabatizika mu 2013

Ivyo Wakayowoya

Kasi ni sambiro wuli lakuzirwa chomene ilo mwasambira pa ivyo vyamuchitikirani?

Nasambira kuti munthu wakutumbikika para wakupulikira Yehova. Kanandi waka nasambira ulongozgi wakuti ningatemwanga chomene vinthu vyakuthupi yayi, niŵikenge pakwamba vinthu vyauzimu, kuŵazga Baibolo zuŵa lililose, kulomba, na kugomezga chomene Yehova. Nkhumanya yayi kuti vinthu vyatenge viŵenge wuli nilekenge kulondezga ulongozgi uwu. Kulondezga ulongozgi uwu nyengozose kwanovwira kuti nileke kugongowa panyengo ya suzgo iyi.

Tikuwonga chomene kumanya kuti usange nase tipulikirenge ulongozgi wa Yehova nga Anna, mbwenu nyengo zose tiŵenge ŵakukondwa.—Salimo 119:111, 112.

Nyengo

November 25, 2021

Ŵamazaza ŵakati ŵajambura mwachisisi ivyo ŵabali ŵakadumbiskananga pafupifupi kwa chaka chimoza, vikapangiska kuti ŵaseche nyumba za Ŵakaboni ŵa Yehova 6 ku Lesosibirsk, kusazgapo na nyumba ya Anna
January 30, 2023

Ŵakamujulira mulandu
February 17, 2023

Ŵakamukanizga kwenda kuluta ku malo ghanyake
December 29, 2023

Khoti likamba kutegherezga mulandu wake

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI