APRIL 26, 2023
RUSSIA

“Yehova Watikora na Mawoko Ghaŵiri”

JULANI

Khoti ilo lili ku chigaŵa cha Prokopyevsk sonosono apa lipelekenge chigamuro chake pa mulandu wa Mubali Yuriy Chernykh. Wakwimira boma pa milandu wachali wandapemphe chilango icho Mubali uyu wangapika.

Vyakukhwaskana na munthu uyu

Yuriy Chernykh

Chaka cha kubabikira: 1975 (Kimovsk, Chigaŵa cha Tula)

Mbiri yake: Wakagwiranga ntchito ku mgodi wa malasha kwa vyaka vyakujumpha 20

Wakatorana na Yelena mu 2006. Ŵali na ŵana ŵatatu ŵanalume

Wakakondwa chomene wati wamanya kuti mauchimi gha mu Baibolo ghakuyowoya vinthu mwakulondora. Wakabatizika na kuŵa yumoza wa ŵakaboni ŵa Yehova mu 2007

Ivyo Wakayowoya

Kasi lilipo vesi la mu Baibolo ilo likumovwirani chomene?

Lemba la Yesaya 30:15 lanovwira chomene kufuma waka apo nkhamba kutambuzgikira. Pa lemba ili, Yehova wakuti: “Musangenge nkhongono chifukwa cha kukhala mwakufwasa na kugomezga.” Apo ine na muwoli wane ŵakatitora kuti ŵakatifumbe mafumbo, nkhalombera mbumba yithu. Nyengo yeneyiyo, nkhajipulika makora mu mtima kweniso nkhasanga mtende, vikaŵa nga umo ghakuchitira majigha mumphepete mwa nyanja. Pa vyose ivi, ine na mbumba yane tajiwonera tekha umo Yehova watikolera na mawoko ghaŵiri kuti watovwire na kutikhozga.

Kasi ni mukhaliro wuli uwo mwasambirapo mu nyengo ya masuzgo iyi?

Chikaŵa chakusuzga chomene kuchita vinthu mwakuzikira, kweni masuzgo agho najumphamo ghanovwira kuti niŵe munthu wakuzikira chomene. Namanya kuti Yehova wakuzgora malurombo ghane pa nyengo iyo wakuwona kuti njakwenelera.

Tili na chigomezgo chose kuti Yehova walutilirenge kuŵapa ‘mtende nga ni mlonga’ ŵateŵeti ŵake ŵakugomezgeka apo ŵakuyezgayezga kuŵa ŵakugomezgeka kwa iyo.—Yesaya 48:18.

Nyengo

July 12, 2020

Ŵakasecha nyumba yake. Yuriy na Yelena wose ŵakatoreka kuti ŵakafumbike mafumbo
November 5, 2021

Ŵakamupa mulandu
November 10, 2021

Ŵakasecha nyumba yake kachiŵiri
April 26, 2022

Yuriy wakakanizgika kwenda kufuma mu chigaŵa icho wakakhalanga
July 18, 2022

Khoti likamba kutegherezga mulandu wake

Wonaniso

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI