“Ke iloa ne tino me i a koe, telā ko Ieova tou igoa, ko koe tokotasi fua te Atua Tafasili i te Maluga i te lalolagi kātoa.”—SALAMO 83:18.

E akoako mai te Tusi Tapu me i a Ieova ko te Atua tonu fua e tokotasi. A ia ko te Mafuaga o te iunivesi mo mea ola katoa. Ko ia tokotasi fua e ‵tau o tapuaki tatou ki ei.—Fakaasiga 4:11.

“Te Atua ko te alofa eiloa a ia.”—1 IOANE 4:8.

E auala i te Tusi Tapu mo mea o te natula i ‵tou tafa, ne fakaasi mai i ei ne Ieova ana uiga ‵gali e uke. A te alofa ko tena toe uiga tāua. E fakavae ki ei ana mea katoa e fai. Ko te uke o mea e tauloto ne tatou e uiga ki a Ieova, ko te lasi foki o te ‵tou a‵lofa ki a ia.

“Kae ko koe se Atua telā e toka o fakamagalo.”—NEEMIA 9:17.

E iloa ne Ieova me i a tatou e se ‵lei katoatoa. Tela la, a ia e “toka o fakamagalo” tatou. Kafai e fai atu tatou i a tatou ko ‵se, kae taumafai malosi o fakagata te faiga o mea ma‵sei, ka fakamagalo ne ia tatou, kae ka se fakasala ne ia tatou mō ‵tou agasala mua.—Salamo 103:12, 13.

“A Ieova e pili ki a latou kolā e ka‵laga atu ki a ia . . . E lagona ne ia te lotou ‵tagi mō se fesoasoani.”—SALAMO 145:18, 19.

E se manako a Ieova ki ne faifaiga fakapito io me fakaaoga a mea fakatusa ke tapuaki atu ki a ia. E fakalogologo a ia ki ‵tou ‵talo e pelā loa mo mātua a‵lofa e fakalogo‵logo ki olotou tama pele.