E Ofo Matou i Au Galuega ‵Gali
‵Kopi Mai:
1. A te galuega o te Malo o te Atua,
a tena muna tusia, ko te munatonu.
E maua te mainaga mai tena tavini
mo te tausiga alofa a tausi mamoe.
E uke mea ‵gali kae maua i fono.
Kae fai faeloa atu au, koi uke mea ‵gali!”
E lavea tou atafai, i fakatasiga
kae ke akoako kae talai atu.
(TALI)
E ofo matou
au galuega gali ‵ki.
Tou malo e sili.
Matou e fakatuanaki ki a koe Ieova.
Ona ko fakamanuiaga mai i tou malo.
2. Se tauliaga ke galue mō koe,
fakaasi tou alofa i te talai atu.
A tou mainaga mo tou filemu tonu,
e akoako mai i ei, me tonu kae ‵ma.
E fai ne pese ke otia toku loto
Tapuakiga a kaiga e fakamalosi.
Tatou e tasi i ‵gana kese‵kese,
E tu ‵kese ‵tou alofa mai te lalolagi.
(TALI)
E ofo matou
au galuega gali ‵ki.
Tou Malo e sili.
Matou e fakatuanaki ki a koe Ieova.
Ona ko fakamanuiaga mai tou Malo.
