A te mea ne tupu ki tino Isalaelu i koga laugatasi o Moapi se akoakoga mō Kelisiano ke fakaeteete i ei. (1Ko 10:6, 8, 11) A tino Isalaelu kolā ne fai taugasoa mo fafine Moapi kae ne aofia i amioga fakatauavaga sē ‵tau mo te ifo ki tupua, ne fakaosoosogina ke fai ne latou agasala matagā. Ne iku atu ei ki ikuga fakamataku. (Num 25:9) E ‵nofo fakatasi tatou mo tino ga‵lue, taugasoa i te akoga, tuakoi, kāiga mo nisi tino kolā e se tapuaki ki a Ieova. Se a te mea e tauloto ne tatou mai te tala tenei i te Tusi Tapu e uiga ki te fakamataku o te fai taugasoa ‵pili mo vaegā tino penā?

KE ONOONO KI TE VITIO FAKAAKOAKOGA KE FAKAETEETE I EI I ‵TOU ASO NEI—SE VAEGA I EI, KAE TALI A FESILI KONEI:

• Ne a kilokiloga ‵se ne fakaasi atu ne Semeli mo nisi tino ki a Iamina?

• Ne fesoasoani atu pefea a Fineaso ke maua ne Iamina se kilokiloga ‵lei?

• Se a te ‵kese i te fakaasi atu o uiga ‵lei ki se tino sē talitonu, mo te fai taugasoa ki ei?

• Kaia e ‵tau mo tatou o filifili faka‵lei ‵tou taugasoa pili ke oko foki loa ki tino i loto i te fakapotopotoga?

• Kaia e ‵tau o kalo kea‵tea mai potukau sau‵tala i te itaneti kolā e se iloa faka‵lei ne tatou a tino i ei?