E mafai ne fakalavelave o fai tatou ke loto vāi‵vai, maise mō se taimi leva. Ne iloa ne Tavita me i tena fakalavelave mo te tupu ko Saulo ka gata atu fakamuli kae ka fai a ia mo fai te tupu e pelā mo te tautoga a Ieova. (1Sa 16:13) Ne fesoasoani atu te fakatuanaki o Tavita ke kufaki a ia kae nofo fakatalitali ki a Ieova.

Kafai ko fakafesagai tatou mo se fakalavelave, e mafai ne tatou o fakaaoga te poto, te iloa io me ko te mafaufau ‵lei ke ‵fuli a ‵tou fakanofonofoga. (1Sa 21:12-14; Fat 1:4) Kae ka tumau eiloa a nisi fakalavelave faiga‵ta māfai foki ko oti ne fai ne tatou a mea katoa e mafai ke fakafetaui aka mo fakatakitakiga i te Tusi Tapu. I feitu konā, e ‵tau o fakagalue aka ne tatou a te kufaki kae ‵nofo fakatalitali ki a Ieova. E se leva kae ka fakaseai atu ne ia a ‵tou logo‵maega katoa kae “‵solo kea‵tea ne ia a loimata katoa” mai ‵tou mata. (Fks 21:4) Faitalia me e maua ne tatou se fakatapūga mai se mea ne fai ne Ieova io me ko nisi pogai, e tasi loa te mea e mautinoa i a tatou: A fakalavelave katoa ko pili o oti atu. E fakamafanafana mai eiloa ki a tatou a te manatu tenei.

ONOONO KI TE VITIO NE TINO FEALOFANI I SE LALOLAGI MAVAE‵VAE, KAE TALI AKA A FESILI KONEI MAI LALO:

• Ne a mea faiga‵ta ne fe‵paki mo nisi Kelisiano i te feitu ki saute o te Iunaite Sitete?

• Ne fakaasi mai pefea ne latou a te kufaki mo te alofa?

• Ne tumau pefea latou i te ‵saga tonu atu ki “mea kolā e sili atu i te tāua”?—Fpi 1:10