E pelā me ne tino sē ‵lei katoatoa, e ‵tau o taumafai faeloa tatou o pule faka‵lei atu ki ‵tou manakoga. Kafai e fai ne tatou so se mea e ma‵nako ki ei, e mafai o galo atu i a tatou te taliaga a Ieova. E pelā me se fakaakoakoga, nisi tino e sili atu te lotou fia‵fia ki mea‵kai, gatu, mo se fale mo ‵nofo i lō te a‵lofa ki te Atua. Nisi tino e ma‵nako fua ke fakama‵lie aka olotou manakoga fakatauavaga mai te ofa ne latou a tulafono a te Atua. (Lom 1:26, 27) Kae ko nisi tino e talia ne latou a fakamalosiga ma‵sei mai olotou taugasoa, me e ma‵nako o fakafiafia latou.—Eso 23:2.

E mafai pefea o pule faka‵lei atu tatou ki ‵tou manakoga? E ‵tau o fai te ‵toe mea e mafai ke ‵saga tonu atu ki mea faka-te-agaga. (Mat 4:4) E se gata i ei, e ‵tau o akai tatou ki a Ieova ke fesoasoani mai ke mafai o pule faka‵lei atu ki ‵tou manakoga. Kaia? Me e iloa ne ia te ‵toe mea ‵lei mō tatou mo te auala ke fakama‵lie aka a ‵tou manakoga ‵lei.—Sal 145:16.

ONOONO KI TE VITIO SA TALIA KE PULE TOU OLAGA NE TE ‵PUSI, KAE TALI AKA A FESILI KONEI MAI LALO:

• Kaia e ‵pusi i ei a nisi tino?

• Ne a mea e mafai ne te ‵pusi o fai ki a koe?

• Kaia e masei ei a te ‵pusi?—2Ko 7:1

• E mafai pefea o fai atu koe ikai ki te ‵pusi io me fakagata te ‵pusi?