FESILI I TE 7
Ne a Mea e ‵Valo Mai i te Tusi Tapu e Uiga ki Taimi o te Gataga?
“Me ka fai taua te suā atufenua ki te suā atufenua mo te suā malo ki te suā malo . . . A mea katoa konei ko te kamataga o puapuaga.”
“Ka ‵sae aka a pelofeta ‵loi e tokouke kae takitaki ‵se ne latou a tino e tokouke; kae ona ko te gasolo aka o amioga solitulafono ko gasolo ifo ei o se a‵lofa a tino e tokouke.”
“Kafai e ‵logo koutou i taua mo tala o taua, ke mo a ma ‵poi koutou; e ‵tau eiloa o ‵tupu a mea konei, kae e seki oko mai te gataga.”
“Ka isi ne mafuie fakama‵taku, mo oge meakai mo famai i koga katoa; kae ka isi ne mea fakama‵taku e lavea atu mo fakailoga ‵lasi mai te lagi.”
“Ka oko mai eiloa a toe taimi faiga‵ta i aso fakaoti. Me i tino ka a‵lofa fua ki a latou eiloa, fia‵fai tupe, fai‵pati fakamata‵mata, fakamaua‵luga, muna ma‵sei, e se faka‵logo ki mātua, e se loto fakafetai, e se fakamaoni, seai se alofa masani, e se lotoma‵lie ki so se feagaiga, e gutu fatu‵fatu, e seai se loto pulea, e amio fakasaua, e se fia‵fia ki te aga‵lei, e faitogafiti, e ma‵keke olotou ulu, e ‵fonu i te fakamatamata, e va‵lea ki fakafiafiaga i lō te a‵lofa ki te Atua, e foliga mai me e fakamaoni latou ki te Atua kae e fakafiti ne latou tena ‵mana.”
