Isaia 23:1-18
-
Se fekau ‵mafa e uiga ki Tulo (1-18)
23 Se fekau ‵mafa e uiga ki Tulo:+
‵Tagi fanoa‵noa, koutou e vakamutu o Talasisi!+
Me ko oti ne fakamasei te taulaga ‵sai vaka; ko se mafai o ulu a vaka ki loto i ei.
Ko oti ne fakaasi atu te mea tenei ki a latou mai te fenua o Kitimo.+
2 ‵Nofo filemu, koutou e tino e ‵nofo i tafatafa o te tai.
A tino fai pisinisi o Saitonu+ kolā ne o‵mai ki te suā feitu o te tai ko faka‵fonu ne latou koutou.
3 Ne ave a saito* o Siola*+ i luga i vai e uke,Ko mea ne ‵kati mai i te Naila, ko ana tupe ne maua,E aumai i ei a tupe silia o atufenua.+
4 A koe ko masiasi, e Saitonu, ko koe te ‵pui malosi o te tai,Me ko oti ne fai mai te tai:
“Au ne seki logo‵mae e pelā me se fafine ka fai o fanau, kae ko au e seki fanau,
Io me tausi ne au ne tamataene io me puti aka ne tamafine.”+
5 E pelā mo te taimi ne ‵logo ei latou i te lipoti e uiga ki Aikupito,+Ka mafatia foki a tino ona ko te lipoti e uiga ki Tulo.+
6 Olo atu ki te suā feitu ki Talasisi!
‵Tagi fanoa‵noa, koutou e tino e ‵nofo i tafatafa o te tai!
7 E mata, tenei tou fakai telā ne fiafia mai aso mua, mai i ana taimi mua eiloa?
Ne masani o ave a ia ne ana vae ki koga ‵mao ke nofo i ei.
8 Ko oi ne fai ne ia te fakaikuga tenei ki Tulo,Te tino e tuku atu ne ia a kalauna,Telā ana tino fai pisinisi ne pelenise,Kae ne fakaaloalogina eiloa ana tāgata fakatau koloa i te lalolagi kātoa?+
9 Ko Ieova o kautau ne fai ne ia te fakaikuga tenei,Ke fakaseaoga ei a te fakamatamata o tou fafine ki tena gali,Ke fakamasiasi ei a latou katoa kolā ne fakaaloalogina i te lalolagi kātoa.+
10 Fanatu ki te suā feitu i luga i tou laukele e pelā mo te Vaitafe ko te Naila, e te tama fafine o Talasisi.
Ko se toe ai nei se uafu e taula ei a vaka.+
11 Ko oti ne ‵fola atu tena lima i luga i te tai;Ko oti ne lūlū ne ia a malo.
Ko oti ne fakatonu atu a Ieova ke fakaseai a ‵pui ma‵losi o Foinikia.+
12 Ana muna: “A koe ka se toe fiafia,+E te tino ne pule fakasauagina, te tamafine ‵ma o Saitonu.
Tu ki luga, fano ki te suā feitu ki Kitimo.+
Ka se maua foki eiloa ne koe se malōlōga i konā.”
13 Kiloke! Ko te laukele o te kau Kaletaia.+
Tenei te fenua—e se ko Asulia+—Ne fai ne latou a ia e pelā me se koga e ‵nofo ei a manu o te toafa.
Ne faka‵tu aka ne latou olotou taoa ma‵luga;Ne ofa ne latou olotou taoa ma‵losi,+Kae fai ke malipilipi ki lalo.
14 ‵Tagi fanoa‵noa, koutou e vakamutu o Talasisi,Me i otou ‵pui ma‵losi ko oti ne fakaseai.+
15 I te aso tenā, ka se masaua eiloa a Tulo i tausaga e 70,+ e ‵pau eiloa mo te leva o te olaga o se tupu e tokotasi. I te fakaotiga o tausaga e 70, ka tupu te mea tenā ki Tulo e pelā eiloa mo te pese a te fafine talitāgata:
16 “Puke se kitala, fano i loto i te fakai, e te fafine talitāgata telā ko se masaua atu.
Tātā tau kitala mo te apo;Usu a pese e uke,Ko te mea ke masaua ne latou a koe.”
17 I te fakaotiga o tausaga e 70, ka toe saga atu a Ieova ki Tulo, kae ka toe foki atu tou fafine ki tena ‵togi kae ‵togi atu a ia e pelā me se fafine talitāgata ki malo o te lalolagi kātoa i luga i te laukele.
18 Kae ko tena tupe silia mo tena ‵togi ka fai pelā me se mea ‵malu ki a Ieova. Ka se tausi a mea konā io me ‵teu faka‵lei aka, me i tena ‵togi ka fai ma latou kolā e ‵nofo i mua o Ieova, ko te mea ke mafai o ‵kai latou ke ma‵kona kae ‵pei ki gatu ‵gali.+
