Isaia 57:1-21
57 A te tino amiotonu ko galo atu,Kae e seai se tino e masaua ne ia.
A tāgata fakamaoni ko puke kea‵tea,*+E aunoa mo se tino e iloa ne ia me ko oti ne puke kea‵tea a te tino amiotonuOna ko te fakalavelave.
2 E ulu atu a ia ki loto i te filemu.
A latou katoa kolā e sa‵sale i te fai mea tonu, e malō‵lo i luga i olotou moega.*
3 “Kae e pelā mo koutou, fakapili‵pili mai,Koutou e tama tāgata a se fafine fakataulaitu,Koutou e tama‵liki a se tino mulilua telā se fafine talitāgata:
4 Ko oi te tino e fakaitaita ne koutou?
Ko oi te tino e faka‵maga ki ei otou gutu kae fakalili atu ki ei?
E a, e se ko koutou tama‵liki o te solitulafono,Ko tama‵liki o te loi,+
5 Ko latou kolā e fia‵fai ki atua ‵se i lalo o lakau ‵lasi,+I lalo o so se lakau ola ‵lei,+Kolā e tamate ne latou a tama‵liki i te vanu,+I lalo i vasia o kaupapa?
6 A fatu maniania o te vanu ko te otou vaega.+
Ao, konei eiloa otou tusaga.
E ‵ligi atu foki ne koe a taulaga meainu kae ofo atu a meaalofa ki a latou.+
E a, e ‵tau o lotomalie au ki mea katoa konei?
7 Ne fakatoka ne koe tou moega i se mauga maluga,+Kae ne fanaka koe ki konā o ofo atu a taulaga i ei.+
8 Mai i tua o te mataloa mo te pou mataloa ne fakatu ne koe i ei se mea fakamanatu e uiga ki a koe.
Ne tiaki ne koe au kae tuku faka‵sau atu tou foitino;Ne fanaka koe ki luga kae fakalasi tou moega.
Kae ne fai ne koe se feagaiga mo latou.
Ne fiafia koe o moe i olotou moega,+Kae pula ‵toka atu koe ki te koga tapu o se tagata.*
9 Ne fanaifo koe ki Meleko* mo se sinuMo sausau e uke.
Ne uga atu ne koe ou sui ki koga ‵mao,Ko te mea ke fanaifo koe ki te Tanuga.*
10 Ne galue malosi koe i te tautali atu i ou auala e uke,Kae ne seki fai mai koe, ‘Ko seai se aoga!’
Ne toe maua ne koe te malosi fou.
Tenā te pogai e se ‵fiu* ei koe.
11 Ko oi ne polepole kae mataku koe ki eiKo kamata ei koe o loi?+
Ne seki masaua ne koe au.+
E seai se mea ne tausi ne koe i tou loto.+
E a, ne seki nofo filemu au kae e se faipati atu?+
E seai se mataku ne fakaasi mai ne koe ki a au.
12 Ka fakailoa atu ne au tou ‘amiotonu’+ mo au galuega,+Kae ka se aoga ki a koe.+
13 Kafai e tagi atu koe mō se fesoasoani,Ka se fakasao koe ne au tupua ne fakaputu.+
Ka ave kea‵tea ne se matagi a latou katoa,Ka ‵pusi kea‵tea latou ne se mānavaga,Kae ko te tino e faka‵lafi ki a au, ka fai te laukele mo fai tena tofiKae ka puke ma ia a toku mauga tapu.+
14 Ka fai aka se tino, ‘Toe faite aka, toe faite aka se auala! Fakatoka te auala!+
Ave kea‵tea so se mea e fakalavelave ki te auala o oku tino.’”
15 Me konei a pati a te Atua Maluga ne fai mai,Telā e ola ki te se-gata-mai+ kae e ‵malu tena igoa:+
“Au e nofo i te koga maluga kae tapu,+Fakatasi foki mo latou kolā ne tuki palapala kae fakamalalogina,Ke fakamalosi aka a loto o tino ne fakamalaloginaKae ke fakamalosi aka a loto o latou kolā ne tuki palapala.+
16 Me ka se ‵teke atu au ki a latou ki te se-gata-maiIo me tumau faeloa i te kaitaua;+Me i te loto o te tagata e gasolo o vāivāi ona ko au,+Ke oko ki mea ola kolā e mā‵nava ne faite ne au.
17 Au ne kaitaua ki ana auala agasala ne fai ke maua a mea i se auala sē tonu,+Tenā ne fakasala ei ne au a ia, ne ‵funa oku mata, kae ne kaitaua au.
Kae ne tumau a ia i te sasale e pelā me se tino ‵teke+ telā e tautali i tena loto.
18 Ne lavea ne au ana auala,Kae ka faka‵lei aka ne au a ia+ kae takitaki a ia+Kae toe avatu te fakamafanafanaga ki a ia+ mo ana tino fanoa‵noa.”+
19 “Ko faite ne au a pati o tavaega i laugutu.
A te filemu tumau ka tuku ki te tino telā e ‵mao mo te tino e pili mai,”+ ko muna a Ieova,“Kae ka faka‵lei aka ne au a ia.”
20 “Kae ko tino amio ma‵sei e ‵pau mo te tai sou telā e se mafai o malū,Kae ko ana tai e peipei aka faeloa ne ia a limu mo pela ki uta.
21 E seai se filemu,” ko muna a toku Atua, “mō tino amio ma‵sei.”+
Fakamatalaga mai lalo
^ Telā ko te mate.
^ Telā ko te tanuga.
^ Kāti e fakasino atu ki te tapuaki ki tupua.
^ Io me kāti, “ko te tupu.”
^ Epelu, “gasolo o fi‵ta.”
