Isaia 60:1-22
60 “Tu ki luga, e te fafine,+ ke maina atu, me i tou mainaga ko vau.
A te ‵malu o Ieova ko maina atu ki luga i a koe.+
2 Kiloke! Ka ufi te lalolagi ne te pouligaKae ko atufenua ne te pouliga matolu;Kae ko koe e Ieova ka maina mai,Kae ka lavea atu i a koe a tena ‵malu.
3 A atufenua ka olo atu ki tou mainaga+Kae ko tupu+ ki te gali o tou mainaga.+
4 Kilo aka ou mata kae onoono ki ou feitu katoa!Ko oti ne fakamaopoopo katoa latou; ko o‵mai latou ki a koe.
E o‵mai faeloa au tama tāgata ki a koe mai koga ‵mao,+Kae ko fakamalosi aka a kautega o au tama fāfine.+
5 I te taimi tenā, ka lavea ne koe kae fiafia,+Kae ka fiafia tou loto kae ‵fonu i te fiafia,Me i maumea o te tai ka avatu katoa ki a koe;A koloa tāua o atufenua ka oko mai ki a koe.+
6 A tou laukele ka ‵fonu i kamela,Ko tamā kamela tāgata o Mitiana mo Efa.+
A latou katoa kolā i Seepa—ka o‵mai latou;Ka sau mai ne latou a aulo mo pulu lipano.
Ka folafola atu ne latou a vikiga o Ieova.+
7 A lafu mamoe katoa o Ketala+ ka maopoopo atu ki a koe.
A mamoe o Nepaiota+ ka tavini atu ki a koe.
Ka o‵mai latou ki taku fatafaitaulaga kae ka taliagina mo te fiafia,+Kae ka fakagaligali ne au a toku fale ‵malu.*+
8 Ko oi a latou konei e eva mai e pelā me ne kaumana,E pelā me ne lupe ko o‵mai ki te lotou koga ‵nofo?
9 Me i fenua fo‵liki katoa ka fakamoe‵moe ki a au;+A vakamutu o Talasisi e ‵tele i mua,Ke aumai au tama tāgata mai i koga ‵mao,+Fakatasi mo olotou siliva mo olotou aulo,Ki te igoa o Ieova tou Atua telā ko te Atua Tapu o Isalaelu,Me ka faka‵malu ne ia koe.+
10 A tino fakaa‵tea ka faite ne latou ou ‵pui,Kae ko olotou tupu ka tavini atu ki a koe,+Me ne ta ne au koe ona ko toku kaitaua,Kae ona ko toku alofa ka fakamagalo ei ne au koe.+
11 A ou mataloa ka ma‵tala faeloa;+Ka se ‵pono eiloa i te ao io me i te po,Ke aumai ki a koe a mea tāua o atufenua,Kae ko olotou tupu ka fai ne latou te takitakiga.+
12 Me i so se atufenua mo so se malo telā e se tavini atu ki a koe ka fakaseai,Kae ko atufenua ka fakamasei katoatoa.+
13 Ka oko mai a te ‵malu o Lepanona ki a koe,+Te lakau ko te iunipa, te lakau ko te titala, fakatasi mo te pelosi,+Ke fakagaligali ki ei te koga e tu ei toku koga tapuaki;Ka faka‵malu ne au te koga e tuku ei oku vae.+
14 Kae ko tama tāgata a latou kolā ne fakasaua atu ki a koe ka o‵mai o ifo ki lalo i ou mua;A latou katoa kolā e fai ne latou a faifaiga sē āva ki a koe e ‵tau o ifo ki lalo i ou vae,Kae ka taku ne latou a koe ko te fakai o Ieova,Ko Siona e o te Atua Tapu o Isalaelu.+
15 Kae i lō te tuku tiaki kae takalialiagina, e aunoa mo se tino e afe mai ki ei,+Ka fai ne au koe mo mea e fakamata‵mata ki ei ki te se-gata-mai,Ko te pogai o fiafiaga i kautama katoa.+
16 Kae ka inu eiloa koe ki susu o atufenua;+Ka ū koe i mataū o tupu;+Kae ka iloa ne koe i a au ko Ieova, ko tou Fakaola,Kae ko te Atua Malosi o Iakopo ko te Atua e toe ‵togi mai ne ia koe.+
17 I lō te kopa ka aumai ne au te aulo,Kae i lō te fiti ka aumai ne au te siliva,I lō te lakau, ko te kopa,Kae i lō fatu, ko te fiti;Kae ka fakasopo aka ne au a te filemu ke fai mo ou ovasiaMo te amiotonu e pelā mo te tino e vaevae ne ia au galuega.+
18 Ka se toe lagona a faifaiga fakasaua i luga i tou laukeleIo me ko fakamaseiga mo mea sē ‵lei i loto i tuakoi o te fenua.+
Kae ka taku ne koe ou ‵pui ko te Fakaolataga+ kae ko mataloa o ‵pui o te fakai ko Tavaega.
19 Ka se toe fai a te la ki a koe e pelā me ko te mainaga o te ao,Kae ka se maina atu ki a koe a te mainaga o te masina,Me i a Ieova ka fai pelā me se mainaga ki te se-gata-mai ki a koe,+Kae ko tou Atua ka fai pelā me ko tou galiga.+
20 A tou la ka se toe tō ki lalo,Kae ka se toe maina a tou masina,Me i a Ieova ka fai pelā me se mainaga ki te se-gata-mai ki a koe,+Kae ka palele atu ou aso fanoanoa.+
21 Kae ko ou tino katoa ka amio‵tonu;Ka ‵nofo latou i te fenua ki te se-gata-mai.
Ne ‵toki ne au latou kae ko ‵somo akaKo galuega a oku lima,+ ko te mea ke fakagaligali ei au.+
22 A te tino foliki ka fai mo fai se tokoafeKae ko te tino fatauva ka fai mo atufenua malosi.
Au, ko Ieova, ka fakava‵vave ne au te mea tenā i te taimi tonu.”
Fakamatalaga mai lalo
^ Io me “toku fale gali.”
