Salamo 115:1-18
115 E se ki a matou, e Ieova, e se ki a matou,Kae ko tou igoa e avatu ki ei te ‵malu+Ona ko tou alofa fakamaoni mo tou fakamaoni.+
2 Kaia e ‵tau ei o fai atu a atufenua:
“Tefea te lotou Atua?”+
3 A te motou Atua e nofo i te lagi;E fai ne ia so se mea e fiafia a ia ki ei.
4 A olotou tupua e faite ki siliva mo aulo,Ko galuega ne fai ne tino ki olotou lima.+
5 E isi ne olotou gutu, kae e se mafai ne latou o fai‵pati;+Mo olotou mata, kae e se mafai ne latou o lavea se mea.
6 E isi ne olotou taliga, kae e se mafai ne latou o lagona se mea;Mo olotou isu, kae e se mafai ne latou o ‵sogi se mea;
7 E isi ne olotou lima, kae e se mafai o puke se mea;Mo olotou vae, kae e se mafai o sa‵sale;+E seai ne olotou leo.+
8 A tino ne faite ne latou a mea konā ka penā eiloa mo mea konā,+E pelā foki mo latou katoa kolā e tali‵tonu ki mea konā.+
9 Isalaelu, tali‵tonu ki a Ieova+—A ia ko te lotou fesoasoani mo te lotou talita.+
10 Te kāiga o Alona,+ tali‵tonu ki a Ieova—A ia ko te lotou fesoasoani mo te lotou talita.
11 A koutou kolā e ma‵taku ki a Ieova, tali‵tonu ki a Ieova+—A ia ko te lotou fesoasoani mo te lotou talita.+
12 E masaua ne Ieova tatou kae ka fakamanuia ne ia tatou;Ka fakamanuia ne ia te kāiga o Isalaelu;+Ka fakamanuia ne ia te kāiga o Alona.
13 Ka fakamanuia ne ia a latou kolā e ma‵taku ki a Ieova,Ko tino ma‵lalo e pelā foki mo tino ma‵luga.
14 Ka fakatokouke koutou ne Ieova,Ko koutou mo otou tama‵liki.*+
15 Ke fakamanuia koe ne Ieova,+Te Atua ne faite ne ia te lagi mo te lalolagi.+
16 E pelā mo te lagi, i o Ieova te mea tenā,+Kae ko oti ne tuku ne ia te lalolagi ki tama a tāgata.+
17 A tino ‵mate e se ‵viki atu ki a Ioa;+Io me ko so se tino telā e fanaifo ki te koga sē logoa i te mate.+
18 Kae ka ‵viki atu tatou ki a IoaMai te taimi nei ke oko eiloa ki te se-gata-mai.
‵Viki atu ki a Ioa!*
Fakamatalaga mai lalo
^ Epelu, “tama tāgata.”
^ Io me “Aleluia!” A “Ioa” ko te fakatoetoega o te igoa o Ieova.
