Mmebusɛm 2:1-22
2 Me ba, sɛ wugye me nsɛm tom,Na wode m’ahyɛde sie,+
2 Na woyɛ aso tie nyansa,+Na wubue wo komam ma nhumu;+
3 Afei nso, sɛ woteɛm frɛ ntease,+Na woma wo nne so frɛ nhumu;+
4 Sɛ wokɔ so hwehwɛ no sɛ dwetɛ,+Na wokɔ so hwehwɛ no sɛ biribi a ɛsom bo a wɔde asie a,+
5 Ɛbɛma woate Yehowa suro ase,+Na woanya Onyankopɔn ho nimdeɛ.+
6 Efisɛ Yehowa ankasa na ɔma nyansa,+Na n’anom na nimdeɛ ne nhumu fi ba.
7 Ɔkora nyansa so ma atreneefo,Na ɔyɛ ɔkyɛm ma wɔn a wɔn abrabɔ di mu.+
8 N’ani wɔ atɛntrenee akwan so,Na ɔbɛwɛn n’anokwafo kwan.+
9 Ɛno bɛma woate trenee ne atɛn turodoo ne adetrenee ase,Na woate papayɛ akwan nyinaa ase.+
10 Sɛ nyansa ba wo koma mu,+Na wo kra* ani gye nimdeɛ ho a,+
11 Nyansa bɛhwɛ wo so,+Na nhumu abɔ wo ho ban,
12 Na ebegye wo afi ɔkwammɔne so,Na ayi wo afi ɔbarima kontomponi nsam,+
13 Ebegye wo afi wɔn a wɔman fi trenee akwan soKɔnantew sum akwan so+ no nsam,
14 Ebegye wo afi wɔn a wɔn ani gye bɔne ho no nsam,Wɔn a wodi bɔne a ɛyɛ asefem ho ahurusi,
15 Wɔn a wɔn akwan akyea,Na wɔn akwan nyinaa yɛ nnaadaa no.
16 Ebegye wo afi ɔbea a waman* nsam,Na ayi wo afi ɔbea a ne bra asɛe* a n’ano yɛ dɛ* nsam;+
17 Ɔno na wagyaw ne mmabaabere mu yɔnko berɛbo* hɔ,+Na ne werɛ afi ne Nyankopɔn apam;
18 Ne fi sian kɔ owu mu,Na n’akwan* kɔ awufo mu, wɔn a wontumi nyɛ hwee no.+
19 Obiara a ɔkɔ ne ho rensan mma,Na ɔrensi nkwa akwan so bio.+
20 Enti nantew apapafo kwan so,Na kɔ so fa atreneefo akwan so.+
21 Na atreneefo nko ara na wɔbɛtena asaase so,Na wɔn a asɛm nni wɔn ho* na wɔbɛka so.+
22 Abɔnefo de, wobetwa wɔn afi asaase so,+Na wobeyi nkontompofo afi so.+
Ase Hɔ Nsɛm
^ Hwɛ Nkyerɛkyerɛmu afã hɔ.
^ Nt., “ɔbea nanani.” Ɛbɛyɛ sɛ ɛkyerɛ nea ɔmmɔ bra a ɛsɔ Onyankopɔn ani.
^ Nt., “ɔbea hɔho.” Ɛbɛyɛ sɛ ɛkyerɛ nea ɔmmɔ bra a Onyankopɔn ani gye ho.
^ Anaa “ɔka adɔkɔdɔkɔsɛm.”
^ Anaa “kunu.”
^ Nt., “anammɔnkwan.”
^ Anaa “wɔn a wɔn abrabɔ di mu.”
