Hesekiel 19:1-14
-
Israel abirɛmpɔn ho awerɛhow dwom (1-14)
19 “Afei to Israel abirɛmpɔn ho awerɛhow dwom,*
2 na ka sɛ,‘Wo maame te dɛn? Gyatabere a ɔwɔ agyata mu.
Ná ɔda agyata* a wɔn ho yɛ den ntam; ɛhɔ na ɔyɛn ne mma.
3 Ne mma a ɔyɛn wɔn no mu baako bɛyɛɛ gyata a ne ho yɛ den.+
Osuaa sɛnea wɔtetew mmoa mu,Na ɔkyeree nnipa mpo wee.
4 Amanaman tee ne ho asɛm, na wɔkyeree no wɔ wɔn amoa mu,Wɔde akɔtɔkoro twee no kɔɔ Egypt asaase so.+
5 Ne maame twɛnee, nanso ohui sɛ anidaso biara nni hɔ.
Enti ɔfaa ne ba foforo, na ɔyɛɛ no sɛ gyata a ne ho yɛ den.
6 Afei ɔne agyata dii akɔneaba, na ɔbɛyɛɛ gyata a ne ho yɛ den.
Osuaa sɛnea wɔtetew mmoa mu, na ɔwee nnipa mpo.+
7 Ɔnantenantew wɔn abannennen ntam, na ɔsɛee wɔn nkurow pasaa;Ɔde ne mmobom+ hyɛɛ asaase a ada mpan no so ma.
8 Na aman a ɛwɔ amantam no mu nyinaa de wɔn ani sii no so, na wɔtoo wɔn atena guu no so,Wɔkyeree no wɔ wɔn amoa mu.
9 Wɔde akɔtɔkoro twee no kɔhyɛɛ buw mu de no kɔmaa Babilon hene.
Na wɔde no siee hɔ sɛnea ɛbɛyɛ a wɔrente ne nne wɔ Israel mmepɔw so bio.
10 Ná wo maame te sɛ bobe+ wɔ wo mogya mu,* na woduaa no nsu ho.
Nsu pii nti, enyaa nkorabata bebree na ɛsow aba.
11 Ebenyaa nkorabata a ɛyɛ den a wotumi de yɛ ahempoma.
Enyin yɛɛ tenten sen nnua a aka,Na ne tenten ne ne nhaban kuhaa nti, na obiara hu.
12 Nanso wɔde abufuw tuu n’ase,+ na wɔtow no kyenee asaase so,Na apuei mframa hyew n’aba.
Ne nkorabata dennen no, wobubui, ɛwoe,+ na ogya hyewee.+
13 Afei wɔakodua no wɔ sare so,Asaase kesee a nsu nni so so.+
14 Ogya fi ne nkorabata mu bae, na ɛhyew nea afefɛw no ne n’aba nyinaa.Afei, na enni nkorabata a ɛyɛ den bio, na enni ahempoma bio.+
“‘Ɛyɛ awerɛhow dwom,* na ɛbɛkɔ so ayɛ awerɛhow dwom.’”
Ase Hɔ Nsɛm
^ Anaa “kwadwom.”
^ Anaa “agyatanini.”
^ Ebetumi nso akyerɛ, “te sɛ bobe wɔ wo bobefuw mu.”
^ Anaa “kwadwom.”
