Nnwom 132:1-18
Dwom a Wɔde Foro Bepɔw No.
132 O Yehowa, kae DawidNe animguase a wafa mu nyinaa.+
2 Kae sɛ ɔkaa Yehowa ntam;Ɔkaa Yakob Tumfo no ntam sɛ:+
3 “Merenkɔ me fi nkowura me ntamadan mu.+
Merenkɔda me mpa so,
4 Meremma nna mma m’ani so,Na meremma m’ani nkum
5 Kosi sɛ menya baabi ama Yehowa;Kosi sɛ menya ofi kama* ama Yakob Tumfo no.”+
6 Hwɛ! Yɛtee ho asɛm wɔ Efrata;+Yehui wɔ kwae mu.+
7 Momma yɛnkɔ ne fi;*+Momma yɛnkotow ne nan ntiaso anim.+
8 O Yehowa, sɔre, na kɔ wo homebea;+Wo ne Adaka a wode kyerɛ wo tumi no nkɔ.+
9 Ma w’asɔfo mfa trenee nyɛ ataade nhyɛ,Na ma w’anokwafo nto ahurusi dwom.
10 W’akoa Dawid nti,Mpo nea woasra no no.*+
11 Yehowa aka Dawid ntam,Na ɔrentwe nsan; waka sɛ:
“W’asefo* no mu baakoNa mede no besi w’ahengua so.+
12 Sɛ wo mma di m’apam soNa wodi me nkaesɛm a mɛkyerɛkyerɛ wɔn no so a,+Wɔn mma nso bɛtenaW’ahengua so daa.”+
13 Sion na Yehowa apaw;+N’ani gyee ho sɛ ɔde hɔ bɛyɛ ne tenabea,+ na ɔkae sɛ:
14 “Ɛha yɛ me homebea kosi daa;Ɛha na mɛtena;+ m’ani gye ho saa.
15 Mehyira so ma abɔ aduan pii.Mɛma ahiafo a wɔwɔ hɔ anya aduan* adi amee.+
16 Nkwagye na mede bɛyɛ ataade ahyɛ n’asɔfo;+N’anokwafo bɛto ahurusi dwom.+
17 Ɛhɔ na mɛma Dawid ahoɔden* ayɛ kɛse.
Masɔ kanea ama nea masra no no.+
18 Aniwu na mede bɛyɛ ataade ahyɛ n’atamfo,Nanso ɔno de, n’ahenni* benya nkɔso.”+
Ase Hɔ Nsɛm
^ Anaa “ntamadan kɛse.”
^ Anaa “ne ntamadan kɛse no mu.”
^ Nt., “Nnan nea woasra no no ani.”
^ Nt., “Wo yafunu mu aba.”
^ Nt., “paanoo.”
^ Nt., “abɛn.”
^ Anaa “n’ahemmotiri.”
