Nnwom 32:1-11
Dawid dwom. Maskil.*
32 Anigye ne onipa a wɔde ne mmarato akyɛ no na wɔakata ne bɔne so.*+
2 Anigye ne onipa a Yehowa mmu ne mfomso ngu no so,+Na nnaadaa nni ne koma mu.
3 Bere a mimuaa m’ano no, ɛma misii apini daa nyinaa, na me nnompe mu gugowee.+
4 Wo nsa* yɛɛ duru wɔ me so adekyee ne adesae.+
Me mu nsu nyinaa twee sɛnea ɔhyew ma nsu yow wɔ ɔpɛ bere mu no. (Sela)
5 Afei mekaa me bɔne kyerɛɛ wo;Mankata me mfomso so.+
Mekae sɛ: “Mɛka me mmarato akyerɛ Yehowa.”+
Na wo nso wode me bɔne ne me mfomso kyɛɛ me.+ (Sela)
6 Ɛno nti na ɔnokwafo biara bɛbɔ wo mpae+Bere a hokwan da so wɔ hɔ sɛ ɔba w’anim no.+
Na nsu yiri mpo a, ɛrenka no da.
7 Wone me hintabea;Wobɛkora me so na mankɔ ahohia mu.+
Na wode ahurusi na ebetwa me ho ahyia efisɛ mahu nkwagye.+ (Sela)
8 Wokae sɛ: “Mɛma woanya nhumu na makyerɛ wo ɔkwan a fa so.+
M’ani bɛba wo so, na matu wo fo.+
9 Monnyɛ mo ho sɛ apɔnkɔ anaa mfurumpɔnkɔ a wonnim nyansa;+Nnareka anaa hama na wɔde twe wɔnAnsa na wɔabrɛ wɔn ho ase aba mo nkyɛn.”
10 Ɔdebɔneyɛfo yaw dɔɔso,Nanso nea ɔde ne ho to Yehowa so no, ne dɔ a enni huammɔ twa ne ho hyia.+
11 Atreneefo, munni ahurusi wɔ Yehowa mu, na momma mo ani nnye;Komam teefo nyinaa, monto ahurusi dwom.
