Yesaia 48:1-22
48 Muntie eyi, O Yakob fi,Mo a mode Israel din ato mo so+Na mufi Yuda nsu mu,*Mo a mode Yehowa din ka ntam+Na mofrɛ Israel Nyankopɔn no,Nanso ɛnyɛ nokware anaa trenee mu.+
2 Wɔde kurow kronkron no din frɛ wɔn ho,+Na wɔde wɔn ani ato Israel Nyankopɔn no so;+Ɔno na ne din de asafo Yehowa.
3 “Tete* nneɛma no, meka kyerɛɛ wo akyɛ.
Epue fii me ara m’anom,Na mema wohui.+
Mekekaa me ho prɛko pɛ na ɛbae.+
4 Esiane sɛ minim sɛ w’aso yɛ den,Na wo kɔn yɛ dade ntini, na wo moma yɛ kɔbere+ nti,
5 Meka kyerɛɛ wo akyɛ.
Ennya mmae no, mema wotee,Na amma woanka sɛ, ‘Me bosom na ɛyɛe,Me honi a wɔasen ne me dade honi* na ɛma ɛbae.’
6 Moate na moahu eyi nyinaa.
Morenka ho asɛm anaa?+
Efi nnɛ merema moate nsɛm foforo,+Nsɛm a wɔde asie a munnim ho hwee.
7 Afei na merebɔ, na emfi tete.Ɛyɛ biribi a wontee da, gye nnɛ,Sɛnea ɛbɛyɛ a worentumi nka sɛ, ‘Hwɛ! Minim dedaw.’
8 Daabi, wontee,+ na wunnim;Tete no, na w’aso asisiw.
Efisɛ minim sɛ woyɛ okontomponi paa,+Na wɔafrɛ wo mmaratofo fi awo mu.+
9 Nanso me din nti, mɛtwentwɛn m’abufuw so;+M’ayeyi nti, mɛhyɛ me ho so wɔ wo ho,Na merenyi wo mfi hɔ.+
10 Hwɛ! Manan wo, nanso ɛnte sɛ dwetɛ.+
Masɔ wo ahwɛ* wɔ ahoyeraw fononoo* mu.+
11 Me din nti, me din nti na mɛyɛ.+Adɛn nti na memma wongu me ho fĩ?+
Meremfa m’anuonyam mma obiara.*
12 Tie me, O Yakob, ne Israel a mafrɛ wo.
Mete sɛnea mete.+ Mene odikanfo, na me ara nso ne okyikafo.+
13 Me ara me nsa na ɛtoo asaase fapem,+Na me nsa nifa na ɛtrɛw ɔsoro mu.+
Sɛ mefrɛ wɔn a, wɔn nyinaa sɔre gyina hɔ.
14 Mo nyinaa, mommoaboa mo ho ano, na muntie.
Wɔn mu hena na ɔde eyinom ato gua?
Yehowa dɔ no.+
Nea ɛsɔ n’ani na ɔde bɛyɛ Babilon,+Na ne basa bɛba Kaldeafo so.+
15 Me ara na makasa, na mafrɛ no.+
Mede no aba, na ne kwan besi yiye.+
16 Muntwiw mmɛn me, na muntie eyi.
Efi mfiase pɛɛ menkaa biribiara wɔ ahintawee mu.+
Bere a esii no, na mewɔ hɔ.”
Na afei Awurade Tumfo Yehowa asoma me, ne ne honhom.*
17 Nea Yehowa, wo Gyefo, Israel Kronkronni no,+ se ni:
“Me, Yehowa, mene wo Nyankopɔn,Nea ɔkyerɛkyerɛ wo ma esi wo yiye,*+Nea ɔkyerɛ wo ɔkwan a ɛsɛ sɛ wofa so no.+
18 Sɛ wubetie me mmara nsɛm a,+
Anka w’asomdwoe bɛyɛ sɛ asubɔnten,+Na wo trenee ayɛ sɛ po asorɔkye.+
19 Wo nkyirimma* bɛyɛ bebree sɛ anwea,Na w’asefo ayɛ sɛ emu anwea mfuamfua.+
Wɔrentwa wɔn din nkyene, na wɔrenhyew wɔn ase mfi m’anim da.”
20 Mumfi Babilon!+
Munguan mfi Kaldeafo nkyɛn!
Momfa anigye nka ho asɛm! Momfa nto gua!+
Momma ennu asaase ano baabiara.+
Monka sɛ: “Yehowa agye n’akoa Yakob.+
21 Bere a ɔde wɔn nam anwea pradadaa so no, osukɔm anne wɔn.+
Ɔmaa nsu fii ɔbotan mu ba maa wɔn;Ɔpaee ɔbotan mu maa nsu tuei.”+
22 “Asomdwoe nni hɔ mma abɔnefo,”+ Yehowa na waka.
Ase Hɔ Nsɛm
^ Ebetumi nso akyerɛ, “mo a mufi Yuda mu.”
^ Nt., “Kan.”
^ Anaa “honi a wɔagu.”
^ Anaa “Mapɛɛpɛɛ wo mu.” Ebetumi nso akyerɛ, “Mapaw wo; Mayi wo.”
^ Ɛyɛ fononoo a wɔde nan dade.
^ Anaa “Me ne obiara nkyɛ m’anuonyam.”
^ Anaa “de ne honhom aka me ho.”
^ Anaa “wunya so mfaso.”
^ Nt., “W’aba.”
