Nea ɛtoo Israelfo wɔ Moab tataw so no yɛ kɔkɔbɔ ma Kristofo. (1Ko 10:6, 8, 11) Woduu hɔ no, wɔn mu bi de wɔn ho bɔɔ Moabfo mmea. Ná Moabfo mmea no yɛ aguamammɔfo na na wɔsom abosom. Wɔdaadaa Israelfo no ma wɔyɛɛ bɔne kɛse tiaa Yehowa, na wei kɔfaa ɔhaw pii bae. (Nu 25:9) Yɛn nso, wɔn a wɔatwa yɛn ho ahyia no mu pii nsom Yehowa. Ebi ne yɛn adwumamfo, sukuufo, wɔn a yɛne wɔn te mpɔtam ne yɛn abusuafo. Ɔkwan bɛn so na Bible mu asɛm yi ma yehu sɛ, sɛ yɛne wɔn a wɔnsom Yehowa bɔ a, ebetumi asɛe yɛne no ntam?

HWƐ VIDEO A YƐATO DIN ASƐM BI A ESII TETE A ƐYƐ KƆKƆBƆ MA YƐN​—NE FÃ BI NO. WUWIE A, BUA NSƐMMISA A EDIDI SO YI:

• Adwene a ɛnteɛ bɛn na na Simri ne ne nnamfo pɛ sɛ Yamin nya?

• Ɔkwan bɛn so na Finehas boaa Yamin ma onyaa adwene a ɛfata?

• Ɛsono sɛ yɛbɛtew yɛn anim akyerɛ obi a ɔnsom Yehowa, ɛnna ɛsono sɛ yɛne no bɛfa adamfo. Adɛn nti na yɛreka saa?

• Adɛn nti na sɛ yɛrefa nnamfo wɔ asafo no mu mpo a, ɛsɛ sɛ yɛhwɛ yiye?

• Nkurɔfo a yennim wɔn wɔ sohyial media so no, adɛn nti na ɛnsɛ sɛ yɛne wɔn bɔ?